بۇل تۋرالى الماتى اكىمى ەربولات دوسايەۆ تۇركسىب اۋدانى تۇرعىندارىمەن وتكەن كەزدەسۋىندە ايتتى، دەپ حابارلايدى Almaty-akshamy.kz.
«اۋدان تۇرعىندارىن ساپالى مەديسينالىق قىزمەتتەرمەن قامتۋدى جاقسارتۋ ماقساتىندا 2023 جىلدىڭ قازان ايىندا «نۇرشاشقان» شاعىن اۋدانىندا 100 كەلۋشىگە ارنالعان دارىگەرلىك امبۋلاتوريانىڭ، سونداي-اق جەلتوقسان ايىندا ايباسوۆ كوشەسىندە 200 كەلۋشىگە ارنالعان امبۋلاتوريا قۇرىلىسى اياقتالادى
سونىمەن قاتار 2024 جىلعى قاڭتاردا «قايرات» شاعىن اۋدانىندا 340 كەلۋشىگە ارنالعان ەمحانانىڭ جوبالاۋ-سمەتالىق قۇجاتتاماسى دايىن بولادى (مەملەكەتتىك ساراپتاما – 2024 جىلعى ءساۋىر). 2024 جىلعى مامىردا «رۆ-90» شاعىن اۋدانىندا 200 ادامدى قابىلدايتىن وتباسىلىق-دارىگەرلىك امبۋلاتوريانىڭ مەملەكەتتىك ساراپتامادان شىعۋىن كۇتەمىز»، - دەيدى قالا اكىمى ەربولات دوسايەۆ.
IVء-شى توقساندا المەرەك شاعىن اۋدانىندا 200 ادام كەلەتىن وتباسىلىق-دارىگەرلىك امبۋلاتوريانىڭ جوبالاۋ-سمەتالىق قۇجاتتاماسىن ازىرلەۋگە كونكۋرس جاريالانادى.