تۇرىك تىلىندە وسىنداي اتپەن باۋىرجان مومىش ۇلى تۋرالى جاڭا كىتاپ جارىق كوردى.
ءىس-شاراعا تۇرىك زيالى قاۋىم وكىلدەرى، قازاق جانە تۇرىك ستۋدەنتتەر جانە ب ا ق وكىلدەرى قاتىستى، دەپ حابارلايدى Almaty-akshamy.kz
قازاقستاننىڭ تۇركياداعى ەلشىلىگىنىڭ ۇيىمداستىرۋىمەن، تۇرىك عالىمى اشۋر وزدەمىردىڭ، باۋىرجان مومىش ۇلىنىڭ ءومىر جولىن قامتىعان «تۇركىستاننىڭ وت بالاسى باۋىرجان مومىش ۇلى» اتتى كىتابىنىڭ تۇساۋكەسەرى ءوتتى.
اشۋر وزدەمىر قازاق ءتىلى مەن ادەبيەتى جانە مادەنيەتىنە بايلانىستى ماقالالارى عىلىمي جۋرنالدار مەن باسپا ءسوز بەتتەرىندە جاريالانىپ تۇرادى. سونىمەن قاتار، وزدەمىردىڭ اباي قۇنانباي ۇلى، ءاليحان بوكەيحانوۆ، تۇرار رىسقۇلوۆ، شەرحان مۇرتازا سياقتى بەلگىلى تۇلعالاردىڭ شىعارمالارىن زەرتتەپ، تۇرىك تىلىنە اۋدارىپ جۇرگەن قالامگەر-عالىم.
كىتاپ ءۇش بولىمنەن تۇرادى. ءبىرىنشى بولىمدە باۋىرجان مومىش ۇلىنىڭ وتباسى، بالالىق شاعى، مەكتەپ شاعى مەن اسكەرلىك ءومىرى، اسكەر سوڭىنداعى ءومىرى، بويىنداعى ادامي قاسيەتتەرى تۋرالى باياندالادى.
ەكىنشى بولىمدە باۋىرجان مومىش ۇلىنىڭ تۇيگەن وي-پىكىرلەرى، قازاق ادەبيەتى تۋرالى كوزقاراستارى جانە ادەبي اۋدارمالار مەن تىلگە جانە قازاق تاريحىنا، وتانسۇيگىشتىك جانە ۇلتجاندىلىق، انا مەن وتباسى تۋرالى وي-پىكىرلەرى ايتىلادى.
ءۇشىنشى بولىمدە ءومىرىنىڭ ادەبيەتكە بايلانىستى كوزقاراسى، جازعان شىعارمالارى، اسكەري شىعارمالار، ولەڭدەرى، ماقال-ماتەلدەر، جازعان حاتتارى مەن ءتۇرلى باسپا ءسوز بەتتەرىندە جارىق كورگەن ماقالالارى، اسكەري ەستەلىكتەرى، ساياحاتتان العان اسەرى باياندالادى.