ءبىر تامشى قان

دجەيمس حارريسون 60 جىل بويى، ءار ءۇش اپتا سايىن قان تاپسىرىپ تۇرادى ەكەن

اۆستراليا تۇرعىنى دجەيمس حارريسون 13-كە تولعان جىلى اجال تىرناعىنا ىلىگەدى. وعان دەر كەزىندە كۇردەلى وتا جاسالىپ، قان قۇيىلىپ، ءولىم اۋزىنان امان قالادى.

سول كەزدە وعان باقانداي 13 ليتر قان قۇيىلعان ەكەن. ارينە، ول تۇستا بالانىڭ ءتىرى قالعانىنا قۋانعاندار قان ماسەلەسىنە پالەندەي ءمان بەرمەگەن.

دجەيمس كامەلەتكە تولعان كەزدە تولىق مەديسينالىق تەكسەرىستەن وتپەككە ەمحاناعا كەلەدى. ونىڭ قان قۇرامىن تەكسەرگەن دارىگەرلەر اۋىزدارىن اشىپ قالادى. بوزبالا قانىنىڭ وتە ەرەكشە، ەرەكشە بولعاندا دا، ونىڭ پلازماسىندا جۇكتى ايەل مەن ىشتەگى شاراناعا اۋاداي قاجەت وتە سيرەك كەزدەسەتىن انتيدەنە بار ەكەنى انىقتالعان. ال بۇل انتيدەنەسىز قۇرساقتاعى بالا انەميامەن قوسا سارعايىپ نە ءولى تۋۋى مۇمكىن. دارىگەر دجەيمسكە وسىنىڭ ءبارىن تۇسىندىرەدى. ءبارىن ءۇنسىز تىڭداپ العان جاس جىگىت دارىگەرگە «ايىنا نەشە رەت قان تاپسىرىپ تۇرۋىما بولادى؟» دەگەن ءبىر عانا سۇراق قويىپتى. سول وقيعادان بەرى 60 جىل بويى، ءار ءۇش اپتا سايىن دجەيمس حارريسون ۇيىنە جاقىن ماڭداعى ەمحانادا قان تاپسىرىپ تۇرادى ەكەن. ءار بارعان سايىن 400 ميلليليتر پلازما تاپسىرىپ تۇراتىن قاريا 60 جىلدان استام ۋاقىتتا 377 ليتر پلازما تاپسىرعان.

بۇگىندە قاريانىڭ ەسىمى گيننەستىڭ رەكوردتار كىتابىنا ەنگەن. ونىڭ قانىنان الىنعان انتيدەنە بۇكىل الەمدەگى شامامەن  2 000 000-عا جۋىق جۇكتى ايەلگە قۇيىلعان. عاجاپ!