پرەزيدەنت تۇركىستان وبلىسىنا جۇمىس ساپارى بارىسىندا ءوڭىر جۇرتشىلىعىمەن كەزدەستى.
كەزدەسۋدە "تۇركىستانعا رۋحاني جانە تاريحي ەلوردا دەگەن مارتەبە بەرۋ كەرەك"، - دەدى پرەزيدەنت، دەپ حابارلايدى Almaty-akshamy.kz
مەملەكەت باسشىسى كەزدەسۋدەگى ءسوزىن: «تۇركىستان – اتاجۇرتىمىزدىڭ التىن قازىعى. تۇركىستان – ءبارىمىزدىڭ ماقتانىشىمىز، ەكى دۇنيە ەسىگى، ەر تۇرىكتىڭ بەسىگى اتانعان بۇكىل الەمگە تانىمال قاسيەتتى جەر. وسى كيەلى شاھاردىڭ ءتول تاريحىمىزدا ايرىقشا ورنى بار. تۇركىستان تورىندەگى قوجا احمەت ياساۋي كەسەنەسى – رۋحانياتىمىزدىڭ مىزعىماس دىڭگەگى»، – دەپ باستادى.
سونداي-اق كوپتەگەن تۇلعالارىمىزدىڭ وسىندا جەرلەنگەنىن تىلگە تيەك ەتتى.
«بىلتىر قالاعا تۇركى الەمىنىڭ رۋحاني استاناسى دەگەن مارتەبە بەرىلدى. بۇل تۇركىستاندى تۇتاس تۇركى جۇرتى ەرەكشە قادىرلەيدى دەگەن ءسوز. ال ءبىز كيەلى شاھاردى رۋحاني جانە تاريحي ەلوردامىز دەسەك، دۇرىس پايىم بولاتىنىنا كۇمانىم جوق. سوندىقتان ۇكىمەت تاياۋ ارادا تۇركىستان قالاسىنا وسىنداي مارتەبە بەرۋ ماسەلەسىنە قاتىستى لايىقتى شەشىم قابىلدايدى دەپ ويلايمىن. قاستەرلى شاھار كونە زاماننان بەرى ۇلتتىڭ ۇياسى، قازاقتىڭ قارا شاڭىراعى بولىپ كەلەدى»، – دەدى قاسىم-جومارت توقايەۆ.