تۇركىستان وبلىسى، ج.ەرالييەۆ اۋىلدىق وكرۋگىندە ورنالاسقان «ورىنباي اتا» شارۋا قوجالىعى ەرتە پىسكەن قىرىققاباتتىڭ العاشقى ءونىمىن رەسەيگە ەكسپورتتادى، دەپ حابارلايدى aqshamnews.kz اشم-گە سىلتەمە جاساپ.
شارۋا قوجالىعىنىڭ باسشىسى نۇرلىبەك جايىنبايەۆتىڭ ايتۋىنشا، «ماگنۋس» ەرتە پىسەتىن قىرىققابات تۇقىمى اقپان ايىنىڭ سوڭىندا سەبىلگەن. جاقىندا ونىڭ العاشقى پارتياسى رەسەي فەدەراسياسىنىڭ پەرم قالاسىنا جونەلتىلدى. شارۋا جاقىن كۇندەرى «زاريسما» سورتتى قىرىققاباتتىڭ ءونىمىن كۇتۋدە جانە «اەروپورت» سورتتى قاۋىن ەگۋدى جوسپارلاپ وتىر.
جالپى، جەتىساي اۋدانىندا ەرتە پىسەتىن قىرىققابات 1158 گەكتار اۋماققا ەگىلگەن، ونىڭ 893 گەكتارىندا سۋ ۇنەمدەۋ تەحنولوگيالارى قولدانىلادى. بولجام بويىنشا، جالپى ءونىم كولەمى 50 مىڭ تونناعا دەيىن جەتۋى مۇمكىن. ءونىمنىڭ باسىم بولىگى رەسەي، بەلارۋس جانە ەۋروپا ەلدەرىنە ەكسپورتتاۋعا باعىتتالعان