تۇركىستان وبلىسىندا تەكسەرۋ شارالارىن توقتاتۋعا ۋادە بەرگەن ازامات 6 ملن تەڭگە كولەمىندە پارا الۋ كەزىندە ۇستالدى، دەپ حابارلايدى almaty-akshamy.kz.
ول ءوزىن ق ر ۇلتتىق قاۋىپسىزدىك كوميتەتىنىڭ قىزمەتكەرى رەتىندە تانىستىرعان.
قارجىلىق مونيتورينگ اگەنتتىگى تۇركىستان وبلىسى پروكۋراتۋراسىنىڭ ۇيلەستىرۋىمەن جانە ءوڭىردىڭ ۇقكد-مەن بىرلەسىپ جۇرگىزگەن ۇستاۋ ءىس-شاراسى بارىسىندا كۇدىكتى قولعا ءتۇستى. ول ەكونوميكالىق تەرگەپ-تەكسەرۋ دەپارتامەنتى مەن ۇقكد تاراپىنان تەكسەرۋ ءىس-شارالارىن توقتاتۋ سىلتاۋىمەن پارا بەرۋگە يتەرمەلەگەن. كەلىسىلگەن اقشالاي سىياقى سوماسى 12 ملن تەڭگەنى قۇراعان. ونىڭ جارتىسىن العان كەزدە كۇدىكتىنىڭ قولىنا كىسەن سالىندى.
«بۇل فاكت بويىنشا سوتقا دەيىنگى تەرگەپ-تەكسەرۋ باستالدى. ق ر قپك-نىڭ 201-بابى تارتىبىندەگى وزگە دە اقپارات جاريا ەتۋگە جاتپايدى. ەگەر ءسىز وكىلەتتىكتەردى تەرىس پايدالانۋ، قاراجاتتى جىمقىرۋ نەمەسە باسقا دا ەكونوميكالىق قۇقىق بۇزۋشىلىقتار فاكتىلەرى جايلى بىلسەڭىز، «افم Insider» تەلەگرام بوتىنا حابارلاۋىڭىزدى سۇرايمىز. انونيمدىلىككە كەپىلدىك بەرىلەدى» - دەلىنگەن ق ر قما باسپا ءسوز قىزمەتى ۇسىنعان اقپاراتتا.