قازاقستاندىق دەلەگاسيا قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ باسشىلىعىمەن باكۋ قالاسىنا كەلدى.
ءداستۇر بويىنشا ساپار قۇرمەتتى جەرلەۋ اللەياسىنا بارۋدان باستالدى. قازاقستان قورعانىس ءمينيسترى ازەربايجاننىڭ جالپىۇلتتىق كوشباسشىسى گەيدار الييەۆتىڭ بەيىتى مەن «شاحيدتەر اللەياسى» مەموريالدىق كەشەنىنە گۇل شوقتارىن قويۋ راسىمىنە قاتىستى، دەپ حابارلايدى Allmaty-akshamy.kz قورعانىس مينيستردىگىنە سىلتەمە جاساپ.
رەسمي ساپار اياسىندا گەنەرال-پولكوۆنيك رۋسلان جاقسىلىقوۆ ازەربايجاندىق ارىپتەسى گەنەرال-پولكوۆنيك زاكير گاسانوۆپەن كەزدەستى. قازاقستاندىق دەلەگاسيا قۇرامىندا كەلىسسوزدەرگە قازاقستان رەسپۋبليكاسىنىڭ ازەربايجانداعى توتەنشە جانە وكىلەتتى ەلشىسى ءالىم بايەل قاتىستى.
قازاقستان مەن ازەربايجان قورعانىس مينيسترلەرى ءوزارا ءىس-قيمىلدىڭ اعىمداعى جانە پەرسپەكتيۆالىق باعىتتارىن تالقىلادى. كەزدەسۋ قورىتىندىسى بويىنشا تاراپتار اسكەري ىنتىماقتاستىق سالاسىنداعى ۇكىمەتارالىق كەلىسىمگە قول قويدى. كەزدەسۋ بارىسىندا قورعانىس ۆەدومستۆولارىنىڭ باسشىلارى قازاقستاندا وتكىزۋ جوسپارلانىپ وتىرعان وڭىردەگى قاۋىپ-قاتەرلەرگە دەن قويۋ كەزىندە ءوزارا ءىس-قيمىل ماسەلەلەرىن پىسىقتاۋعا مۇمكىندىك بەرەتىن «بىرلەستىك-2024» كوپۇلتتى وقۋ-جاتتىعۋىنىڭ وزەكتىلىگىن اتاپ ءوتتى.
تاراپتار سونداي-اق جاۋىنگەرلىك دايىندىق، اسكەري ءبىلىم بەرۋ، اسكەري-تەحنيكالىق ىنتىماقتاستىق جانە باسقا دا ءوزارا قىزىعۋشىلىق تۋدىراتىن سالالارداعى ىنتىماقتاستىقتىڭ الەۋەتىن اڭگىمە ەتتى.