ءماجىلىس «تۇركىستان قالاسىنىڭ ەرەكشە مارتەبەسى تۋرالى» جانە وعان قاتىستى تۇزەتۋلەر بويىنشا تۇزەتۋلەردى ءبىرىنشى وقىلىمدا ماقۇلدادى، دەپ حابارلايدى aqshamnews.kz
زاڭ جوبالارىن مەملەكەت باسشىسىنىڭ ءتيىستى تاپسىرماسىن ورىنداۋ ماقساتىمەن ۇلتتىق ەكونوميكا مينيسترلىگى ازىرلەدى. جوبالاردىڭ ماقساتى – تۇركىستاندى قازاقستاننىڭ رۋحاني-مادەني، تاريحي جانە تۋريستىك ورتالىعى رەتىندە قالىپتاستىرۋ، دامىتۋ جانە ونىڭ جۇمىس ىستەۋى ءۇشىن قۇقىقتىق جاعداي جاساۋ. نەگىزگى پرينسيپتەر تاريحي-مادەني مۇرانى ساقتاۋ، قورعاۋ جانە رۋحاني نىسانداردىڭ قاسيەتتىلىگىن ساقتاۋ.
نەگىزگى زاڭ جوباسى اياسىندا قالا اۋماعىنداعى تاريحي-مادەني ەسكەرتكىشتەر ولاردىڭ قۇقىقتىق مارتەبەسى، قورعاۋ رەجيمى، پايدالانۋ ءتارتىبى جانە باسقا دا اسپەكتىلەرىن انىقتايتىن ساناتتارعا بولىنەدى. سونىمەن قاتار قوجا احمەت ياساۋي كەسەنەسىنىڭ بىرەگەيلىگىن ساقتاۋ جانە اينالاسىنداعى قۇرىلىسقا بوگدە ەلەمەنتتەردىڭ ەنۋىنە جول بەرمەۋ ماقساتىمەن شەكتەۋلەر ەنگىزىلەدى. اتاپ ايتقاندا، كەسەنەنىڭ قورعاۋ ايماعىنىڭ شەكاراسىنان 100 مەتر قاشىقتىقتا بيىكتىگى جەتى مەتردەن اساتىن، سونداي-اق تاريحي ەسكەرتكىشتەرمەن اۋقىمى، ءتۇسى جانە قۇرىلىس ماتەريالدارى بويىنشا ۇيلەسپەيتىن نىسانداردىڭ قۇرىلىسىنا تىيىم سالىنادى.