تۇركىستاندا بايشەشەك گۇلدەدى

سوڭعى كەزدەرى وسى قۇبىلىس ءجيى قايتالاناتىن بولعان.

تۇركىستان وبلىسىندا بايشەشەك گۇلدەدى، دەپ حابارلايدى Almaty-akshamy.kz وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

لاپىزدار تۇقىمداسىنا جاتاتىن بايشەشەكتىڭ بۇل ءتۇرى قازاقستاندا سيرەك كەزدەسەدى

"سىرداريا-تۇركىستان مەملەكەت وڭىرلىك تابيعي پاركىنە" قاراستى ەرەكشە قورعالاتىن تابيعي اۋماقتاعى ەرەكشە ءساتتى مەملەكەتتىك ينسپەكتور حاميت قالداربەكوۆ سۋرەتكە ءتۇسىرىپ العان.

مەكەمەدەگى عىلىم، اقپارات جانە مونيتورينگ ءبولىمى مەڭگەرۋشىسىنىڭ ايتۋىنشا، بايشەشەكتىڭ بۇل ءتۇرى كەسسەلرينگ لاپىزى دەپ اتالادى.

لاپىزدار تۇقىمداسىنا جاتاتىن بۇل وسىمدىك قازاقستاندا سيرەك كەزدەسەدى. الايدا رەسپۋبليكادا تارالۋ ايماعى كەڭدەۋ، باتىس تيان-شان تاۋ ەتەگىنەن، قاراتاۋ الاسا تاۋىنان جانە شۋ-ىلە تاۋلارىنان باسقا پامير-الاي تاۋىندا وسەدى. ءتىپتى قازاقستان قىزىل كىتابىنىڭ ەكىنشى باسىلىمىنا ەنگىزۋ ۇسىنىلعان.

كەسسەلرينگ لاپىزى – ساباعى جالعىز جانە تىكە، بيىكتىگى 6-10 سم بولاتىن كوپجىلدىق وسىمدىك. جاپىراقتارى گۇلىمەن قوسا وسەدى، ال ەنى 1 سم-گە دەيىن بولادى. گۇلدەرى اق، قوڭىراۋ تارىزدەس بولىپ كەلەدى. ناۋرىز-مامىر ايلارى ارالىعىندا گۇلدەيدى.