تۇركىستان وبلىسىنىڭ پوليسەيلەرى ەر ادامنان 100-دەن استام زاڭسىز اۋلانعان بالىقتى تاركىلەدى.
ءتارتىپ ساقشىلارى كەلەس اۋدانىنىڭ اۋماعىندا رەيد جۇرگىزۋ بارىسىندا موتورلى قايىقتى تىركەپ العان ۆاز اۆتوكولىگىن توقتاتتى.
تەكسەرۋ بارىسىندا ۋچاسكەلىك ينسپەكتورلار جەرگىلىكتى تۇرعىننان قايىق، موتور، اۋ جانە باسقا كەرەك-جاراقتاردى، سونداي-اق 100-دەن استام ءار ءتۇرلى بالىقتاردى تاۋىپ، تاركىلەدى.
انىقتالعانداي، 45 جاستاعى ەر ادام موتورلى قايىق پەن اۋلاردى پايدالانىپ، سىرداريا وزەنىندە زاڭسىز بالىق اۋلاۋمەن اينالىسقان.
ءقازىر بۇل فاكتى بويىنشا تەرگەۋ امالدارى جۇرگىزىلىپ، بارلىق ءمان-جاي انىقتالىپ جاتىر.