تۇركىستان وبلىسىنىڭ پوليسەيلەرى جىل باسىنان بەرى زاڭسىز بالىق اۋلاۋدىڭ 6 دەرەگىن انىقتادى، دەپ حابارلايدى Almaty-akshamy.kz.
بۇل جايتتار ق ر قك-نىڭ 335-بابى «بالىق رەسۋرستارىن، باسقا دا سۋ جانۋارلارىن نەمەسە وسىمدىكتەردى زاڭسىز اۋلاۋ» بويىنشا تىركەلدى. براكونەرلەردەن 3 دانا ەلەتروقارماق،1500 مەتردەن استام جۇڭگو اۋ-تورى، 8 قايىق، 6 دانا بالىق اۋلاۋعا ارنالعان شانىشقى، 500 كەلىدەن استام زاڭسىز اۋلانعان بالىق تاركىلەنىپ الىندى. قازىرگى تاڭدا سوتقا دەيىنگى تەرگەۋ امالدارى جۇرگىزىلىپ جاتىر.
«سونىمەن قاتار، جەتىساي اپب-نىڭ تابيعاتتى قورعاۋ ينسپەكتورى مەن بالىق قورعاۋ ينسپەكسياسى قىزمەتكەرلەرى بىرلەسىپ، اكىمشىلىك قۇقىق بۇزۋشىلىق جاساعان 5 تۇرعىندى انىقتادى. تابيعاتقا زيان اكەلگەن تۇرعىندارعا ق ر اقبتك-نىڭ 383-بابىمەن 5 اەك كولەمىندە ايىپپۇل سالىندى. انىقتالعان تۇرعىنداردان قولدانۋعا تىيىم سالىنعان 5 دانا شانىشقى (وستراگا) الىندى»،-دەلىنگەن حابارلامادا.