جاعداي اۆانگارد ىقشام اۋدانىنداعى مەكتەپتەردىڭ بىرىندە تىركەلگەن
اتىراۋدا «مەكتەپكە جارىلعىش زات قويىلدى» دەپ ەلدى دۇرلىكتىرگەن جالعان تەرروريست ىزدەستىرىلىپ جاتىر. ول حابارلامانى مەكتەپتىڭ ەلەكتروندى پوچتاسىنا جىبەرگەن، دەپ حابارلايدى Almaty-akshamy.kz.
Astanatv.kz سايتىنىڭ جازۋىنشا، بۇل جاعداي اۆانگارد ىقشام اۋدانىنداعى مەكتەپتەردىڭ بىرىندە تىركەلگەن. ەكىنشى ساباققا كىرگەن مۇعالىمدەر مەن وقۋشىلار دەرەۋ سىرتقا شىعارىلدى. پوليسيا جارىلعىش زاتتى ىزدەستىردى، ال بالالار اۋا-رايىنىڭ قولايسىزدىعىنا بايلانىستى ۇيىنە قايتارىلدى.
«پوليسەيلەر 1300- گە جۋىق مەكتەپ وقۋشىلارى مەن قىزمەتكەرلەرىن ەكۆاكۋاسيالادى. سونداي-اق مەكتەپتە ەشقانداي جارىلعىشتىڭ جوق ەكەندىگىن انىقتادى. قازىرگى تاڭدا مەكتەپ اكىمشىلىگىنىڭ رەسمي پاراقشاسىنا وسىنداي حابارلاما تاراتقان تۇلعانى انىقتاۋ جۇمىستارى جۇرگىزىلۋدە»،-دەيدى اتىراۋ وبلىستىق پد باسپا ءسوز حاتشىسى مەيىرىم ەرداۋلەت.
ايتا كەتەرلىگى، بىرنەشە كۇن بۇرىن مەكتەپتە بومبا بار دەپ حابارلاعان اتىراۋدىڭ تاعى ءبىر تۇرعىنى ۇستالعان ەدى.