جۇمىستار قاتاڭ قاداعالاۋدا بولادى
تۇركىستان وبلىسىندا كەنەمەن كۇرەس شارالارى كۇشەيتىلەدى، دەپ حابارلايدى Almaty-akshamy.kz قازاقپارات-قا سىلتەمە جاساپ. كوكتەمگى كەزەڭدە تۇركىستان وبلىسىندا 1،4 ملن باس ءىرى مال مەن 4،5 ملن باس ۇساق مال زالالسىزداندىرىلعان. مامانداردىڭ ساراپتاۋ قورىتىندىسى ينەكسيالاۋدىڭ وڭ ناتيجە بەرگەنىن انىقتادى. ءقازىر ماڭىزدى شارانىڭ ەكىنشى كەزەڭى باستالادى. بۇل تۇستا ءۇي ىرگەسىندەگى قورا-جايلاردى زالالسىزداندىرۋعا باستى نازار اۋدارىلماق. كەنەگە قارسى زالالسىزداندىرۋ جۇمىستارىنىڭ ساپاسى مەن تيىمدىلىگىن انىقتاۋ بويىنشا اۋدان، قالالاردا ءتيىستى مەكەمە قىزمەتكەرلەرىنىڭ قاتىسۋىمەن ارنايى كوميسسيا قۇرىلعان. سوندىقتان سالا ماماندارىنىڭ جۇمىستارى قاتاڭ قاداعالاۋدا بولادى. سونداي-اق، كونگو-قىرىم قاندى بەزگەگىنىڭ تابيعي وشاقتارىندا ورنالاسقان ەلدى مەكەندەردى قورعاۋ بويىنشا جوسپارلى شارالار بيىل دا جالعاسادى.