ول كانالدىڭ قۇبىرىنا تۇرىپ قالىپ، تۇنشىعىپ قالا جازداعان
تۇركىستان وبلىسىنىڭ كەنتاۋ قالاسىندا كانالعا قۇلاپ كەتكەن ەكى جاسار ءبۇلدىرشىن قۇتقارىلدى. بۇل تۋرالى وبلىستىق تجد باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
دەپارتامەنت مالىمەتىنشە، وقىس وقيعا 30 ءساۋىر كۇنى كەشكى ساعات 19:47 شاماسىندا بولعان. ول كانالدىڭ قۇبىرىنا تۇرىپ قالىپ، تۇنشىعىپ قالا جازداعان.
«ءبۇلدىرشىن كەنتاۋ قالاسى، حانتاعى اۋىلىنداعى كولەمى 500 مم بولاتىن سۋارۋ قۇبىرىنا قۇلاپ كەتكەنى تۋرالى حابارلاما تۇسكەن. وقيعا ورنىنا بارعان كەزدە ەرەسەكتەردىڭ قاراۋىنسىز قالعان بالا قۇبىرعا 15 مەتر قاشىقتىقتا تۇرىپ قالعانى انىقتالعان. ونى قۇتقارۋ شارالارىنا وبلىستىق تجد 3 قىزمەتكەرى جانە 1 بىرلىك تەحنيكا شىققان. قۇتقارۋشىلار قۇبىرعا كىرىپ، بالانى الىپ شىققان. ءسويتىپ جەدەل جاردەم قىزمەتكەرلەرىنە تابىستادى»، - دەلىنگەن حابارلامادا.
دارىگەرلەر بالانىڭ جاعدايىن ورتاشا دەپ باعالاعان. ءقازىر ءبۇلدىرشىن مەديسينا قىزمەتكەرلەرىنىڭ ءجىتى باقىلاۋىندا.