كۇدىكتى ىشكى ىستەر مينيسترلىگىنىڭ ەسەبىندە تۇرعان.
تۇركىستان وبلىسىندا بۇرىن بىرنەشە رەت سوتتالعان جات اعىمنىڭ وكىلى ۇستالدى، دەپ حابارلايدى Almaty-akshamy.kz
بۇل تۋرالى تۇركىستان وبلىسىنىڭ پوليسيا دەپارتامەنتى حابارلادى.
پوليسيا دەپارتامەنتى باستىعىنىڭ ورىنباسارى قۇرمانبەك ساحوۆتىڭ ايتۋىنشا، پد ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى مەن ۇلتتىق قاۋىپسىزدىك كوميتەتى بىرىگىپ، جەدەل-ىزدەستىرۋ ءىس-شاراسى كەزىندە دەسترۋكتيۆتى ءدىني اعىمنىڭ جاقتاۋشىسى، جەتىساي اۋدانىنىڭ تۇرعىنىن انىقتاپ، ۇستاعان.
«بۇرىن بىرنەشە رەت سوتتالعان 58 جاستاعى ەر ادام مەسسەندجەردە چات قۇرىپ، وندا راديكالدى ۋاعىزشىلاردىڭ بەينەماتەريالدارىن جاريالاپ، تىيىم سالىنعان دەسترۋكتيۆتى ءدىني اعىم يدەولوگياسىن ناسيحاتتايتىن حابارلامالار جاريالاعان»، دەدى ول.
جەدەل ۋاكىلدەر ءىىو ەسەبىندە تۇرعان كۇدىكتىنى جەتىساي قالاسىنان ۇستاپ، ۋاقىتشا ۇستاۋ يزولياتورىنا قاماۋعا الدى. قىلمىستىق ءىس قوزعالدى. ءتيىستى ساراپتامالار تاعايىندالدى.
ءقازىر كۇدىكتىنىڭ تۇرعىلىقتى جەرى بويىنشا تەرگەۋ جۇرگىزىلىپ جاتىر. وقيعانىڭ تولىق ءمان-جايى ەندى انىقتالادى.