قاسىم-جومارت توقايەۆ پەن رەجەپ تاييپ ەردوعان تەلەفون ارقىلى سويلەستى. مەملەكەتتەر باسشىلارى ءبىرىن-بىرى ورازا ايت مەرەكەسىمەن قۇتتىقتاپ، قازاقستان مەن تۇركيا حالىقتارىنا باق-بەرەكە تىلەدى.
سونىمەن قاتار قاسىم-جومارت توقايەۆ ەلىمىزدىڭ ءبىرقاتار وڭىرىندەگى سۋ تاسقىنى سالدارىنان قالىپتاسقان كۇردەلى احۋالعا بايلانىستى قولداۋ كورسەتكەنى ءۇشىن رەجەپ تاييپ ەردوعانعا العىس ايتتى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
قازاقستان پرەزيدەنتى تۇركيا رەسپۋبليكاسىمەن باۋىرلاستىق قاتىناستى، سونداي-اق ەكى ەل حالىقتارى اراسىنداعى تۇراقتى ىنتىماقتاستىق پەن ءوزارا تىلەۋلەستىكتى جوعارى باعالايتىنىن مالىمدەدى.
اڭگىمەلەسۋ بارىسىندا پرەزيدەنتتەر ەكى ەل اراسىنداعى ستراتەگيالىق سەرىكتەستىكتى ودان ءارى نىعايتۋ ماسەلەسىن تالقىلاپ، الداعى ۋاقىتقا جوسپارلانعان كەزدەسۋلەر كەستەسىن قاراستىردى.