شاردارا اۋداندىق پوليسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارى بارىسىندا بۇرىن الاياقتىق قىلمىسى بويىنشا سوتتى بولعان 39 جاستاعى ەر ادامدى ۇستادى، دەپ حابارلايدى almaty-akshamy.kz
بەلگىلى بولعانداي، كۇدىكتى جەر تەلىمى بويىنشا تۇرعىندارعا ءوزىن نوتاريۋس قىزمەتكەرى رەتىندە تانىستىرىپ، الداعان. جابىرلەنۋشىلەردەن قىزمەتى ءۇشىن الدىن الا اقشا العان.
سونداي-اق تەكسەرۋ بارىسىندا ءتارتىپ ساقشىلارى جالعان نوتاريۋستىڭ ءدال وسىعان ۇقساس 4 جايتقا قاتىسى بارىن انىقتادى. جابىرلەنۋشىلەرگە 1 ميلليون تەڭگە شىعىن كەلتىرگەن.
قازىرگى تاڭدا كۇدىكتى ەر ادام قاماۋعا الىنىپ، سوتقا دەيىنگى تەرگەۋ امالدارى جۇرگىزىلىپ جاتىر.