بۇل ۇيىمنىڭ يدەولوگياسى ەلدە زايىرلى كونستيتۋسيالىق قۇرىلىمدى قۇلاتىپ، “شاريعات” نورمالارىن ەنگىزۋگە باعىتتالعان.
ءىىم ەكسترەميزمگە قارسى ءىس-قيمىل جونىندەگى ءبولىنىسى ۇلتتىق قاۋىپسىزدىك كوميتەتىنىڭ كومەگىمەن كەنتاۋ قالاسىندا “حيزب-ۋت-تاحرير” دىني-ەكسترەميستىك ۇيىمىنىڭ جاسىرىلعان توبىن جويدى،-دەپ حابارلايدى aqshamnews.kz Polisia.kz-كە سىلتەمە جاساپ.
جەدەل-ىزدەستىرۋ ءىس-شارالارى بارىسىندا توپ مۇشەلەرىنىڭ تەرروريزم يدەيالارىن ناسيحاتتاۋ، سونداي-اق ءدىني كوزقاراستى قورلاۋ فاكتىلەرى انىقتالدى. توپ مۇشەلەرى “حيزب-ۋت-تاحرير” شەتەلدىك راديكالدى ۋاعىزشىلارىنىڭ دارىستەرىن الۋ جانە تاراتۋ ءۇشىن ينتەرنەت-رەسۋرستاردى پايدالانعان. توپ جەتەكشىسى بۇعان دەيىن تىيىم سالىنعان دىني-ەكسترەميستىك ۇيىمنىڭ قىزمەتىنە قاتىسقانى ءۇشىن سوتتى بولعان. جۇرگىزىلگەن شارالار ناتيجەسىندە 10 كۇدىكتى ۇستالدى. ولاردىڭ تۇرعىلىقتى جەرلەرىن ءتىنتۋ كەزىندە دىني-ەكسترەميستىك ادەبيەتتەر مەن باسقا دا زاتتاي دالەلدەمەلەر تاركىلەندى. قازىرگى ۋاقىتتا تەرروريزمدى ناسيحاتتاۋ جانە ءدىني الاۋىزدىقتى قوزدىرۋ بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر.