ساياسي پارتيالار مەن جەكە ازاماتتاردىڭ ءوزىن-وزى ۇسىنۋى بويىنشا ۇمىتكەرلەردىڭ تىركەلۋى 14 شىلدەگە دەيىن جالعاساتىن بولادى.
وسى ايدىڭ 25 كۇنى اۋىل اكىمدەرىن سايلاۋدىڭ العاشقى كەزەڭى ىسكە اسىرىلادى، دەپ حابارلادى Almaty-akshamy.kz Aigak.kz سايتىنا سىلتەمە جاساپ.
مەملەكەت باسشىسى قاسىم-جومارت توقايەۆ 2020 جىلعى 1 قىركۇيەكتەگى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا اۋىل اكىمدەرىن تىكەلەي سايلاۋدى ەنگىزۋ قاجەتتىلىگى جونىندە باستاما كوتەرگەن ەدى.
تۇركىستان وبلىسىندا 181 اۋىل وكرۋگى بولسا، بيىلعى جىلعى اۋىل اكىمدەرىن سايلاۋ 63 اۋىل وكرۋگىنىڭ 264 سايلاۋ ۋچاسكەسىندە وتكىزىلەدى.
اعىمداعى جىلدىڭ 25 شىلدەسىندە الدىمەن 60 اۋىلدىق وكرۋگتىڭ تۇرعىندارى ءوز تاڭداۋلارىن جاسايتىن بولادى.
بۇگىنگى كۇنگە دەيىن 230 اۋىل اكىمدىگىنە ۇمىتكەر ازاماتتار تىركەلىپ ۇلگەردى. ونىڭ 76-سى تىركەلگەن ساياسي پارتيالاردىڭ ۇسىنعان ۇمىتكەرلەرى بولسا، 154ء-ى - ءوز-وزىن ۇسىنعان ازاماتتار.