تۇركىمەنستاندا پرەزيدەنت جەتى جىلعا سايلانادى جانە انت بەرگەن ساتتەن باستاپ قىزمەتىنە كىرىسەدى
تۇرىكمەنستان پرەزيدەنتى سەردار بەردىمۇحامەدوۆ ەسكى مينيسترلەر كابينەتىن وتستاۆكاعا جىبەرۋ تۋرالى جارلىققا قول قويدى، دەپ حابارلايدى Almaty-akshamy.kz Baq.kz-كە سىلتەمە جاساپ.
«نەيترالنىي تۋركمەنيستان» ۇكىمەتتىك باسىلىمىنىڭ مالىمەتىنشە، تۇركىمەنستاننىڭ جاڭا باسشىسى مۇنى ۇلىقتاۋ راسىمىنەن كەيىن جانە قۇرمەت قاراۋىلىنىڭ ساربازدارى مەن قارۋلى كۇشتەر بولىمشەلەرىنىڭ شەرۋىن قابىلداعاننان كەيىن جاسادى.
«تۇركىمەنستان كونستيتۋسياسىنا سايكەس مەملەكەت باسشىسى ۇكىمەت مۇشەلەرىنىڭ وكىلەتتىكتەرىن تولىق قۇرامدا توقتاتۋ تۋرالى قاۋلىعا قول قويدى، ولارعا مينيسترلەر كابينەتىنىڭ جاڭا قۇرامى قۇرىلعانعا دەيىن ءوز مىندەتتەرىن ورىنداۋدى جالعاستىرۋدى تاپسىردى»، - دەپ اتاپ ءوتتى باسىلىم.
تۇركىمەنستاندا 12 ناۋرىزدا جوعارى مەملەكەتتىك لاۋازىمعا ۇمىتكەر توعىز ۇمىتكەردىڭ قاتىسۋىمەن كەزەكتەن تىس پرەزيدەنت سايلاۋى ءوتتى. سايلاۋدا 72،97% داۋىس جيناپ، اكەسى، ەكىنشى مەملەكەت باسشىسى گۋربانگۋلى بەردىمۇحامەدوۆتىڭ ورنىنا كەلگەن 40 جاستاعى ۆيسە-پرەمەر سەردار بەردىمۇحامەدوۆ جەڭىسكە جەتتى. پرەزيدەنتتىك باسەكەنىڭ قالعان قاتىسۋشىلارى جالپى سانى 27،03% داۋىس جينادى.
تۇركىمەنستاندا پرەزيدەنت جەتى جىلعا سايلانادى جانە انت بەرگەن ساتتەن باستاپ قىزمەتىنە كىرىسەدى.