باعدارلامادا قازاقستانداعى داعدارىس ورتالىقتارى تۋرالى اقپاراتتى، زاڭنامالىق-قۇقىقتىق بازانى جانە العاشقى مەديسينالىق جانە پسيحولوگيالىق وزىنە-وزى كومەك كورسەتۋ تاسىلدەرىن تابۋعا بولادى
اقتوبە نزم 11-سىنىپ وقۋشىسى ايان قايىربەك كەز كەلگەن زورلىق-زومبىلىقتان قۇتقارا الاتىن UmaiAsar اتتى قوسىمشا جاساپ شىعاردى، دەپ حابارلايدى Almaty-akshamy.kz.
ءسىز قوسىمشانى Android-تان جۇكتەي الاسىز، كىرگەن كەزدە ءۇش سەنىمدى ءنومىردى ەنگىزىپ، گەولوكاسياعا كىرۋگە رۇقسات بەرۋىڭىز كەرەك. ءقاۋىپتى جاعدا وسى دەرەكتەر ارقاسىندا ادام SOS حابارلاماسىن جاقىن ادامدارىنا كومەك سۇراپ جىبەرە الادى جانە ولار دابىل بەرگەن ادامنىڭ ورنالاسقان جەرىن كورەدى.
قوسىمشانى ازىرلەۋ بارىسىندا اۆتور ءىىم مەن تجم-گە حابارلاسقان، ول حابارلامالاردى 102 نەمەسە 112-گە تىكەلەي جىبەرگىسى كەلگەن. وكىنىشكە قاراي، بۇل فۋنكسيا تەحنيكالىق تۇرعىدان قولجەتىمدى ەمەس، ءبىراق ەگەر مۇمكىندىك تۋىپ جاتسا ايان ونى قوسۋعا دايىن.
«مۇنداي وي 2020 جىلى كارانتين كەزىندە پايدا بولدى. ويتكەنى، وتباسىلاردا زورلىق-زومبىلىق جاعدايلارى جيىلەپ كەتتى. ءموبيلدى قوسىمشانى جاقسارتۋ ءۇشىن مەن دەرەكتەردى سەنىمدى كوزدەردەن جينادىم: كونستيتۋسيا، قىلمىستىق، اكىمشىلىك كودەكستەر. UmaiAsar قوسىمشاسى ارقىلى وقيعانىڭ باسىندا نەمەسە ورتاسىندا سەنىمدى ادامدارعا حابارلاسۋعا كومەكتەسەدى. تەك ءبىر تۇيمەنى باسىپ حابارلاسا الاسىڭ. حابارلاساپ، بىرنەشە مينۋت حابار كۇتىپ وتىرمايسىڭ. ءقاۋىپ تونگەن جاعدايدا ءار سەكۋند ماڭىزدى»، - دەدى وقۋشى.
سونداي-اق، باعدارلامادا قازاقستانداعى داعدارىس ورتالىقتارى تۋرالى اقپاراتتى، زاڭنامالىق-قۇقىقتىق بازانى جانە العاشقى مەديسينالىق جانە پسيحولوگيالىق وزىنە-وزى كومەك كورسەتۋ تاسىلدەرىن تابۋعا بولادى.
ناۋرىز قارساڭىندا اقتوبەلىك وقۋشى تۇركىستاندا ەل پرەزيدەنتى قاسىم-جومارت توقايەۆپەن كەزدەسۋگە بارادى. ءىس-شاراعا ەلىمىزدىڭ بارلىق قالاسىنان بالالار وزدەرىنىڭ بىرەگەي جوبالارىن كورسەتۋ ءۇشىن بارادى دەپ جوسپارلانىپ وتىر.