تۇركيانىڭ بالالار حيرۋرگتارى قازاقستاندىق ارىپتەستەرىنە شەبەرلىك ساعاتىن وتكىزدى

تۇركيانىڭ بالالار حيرۋرگتارى قازاقستاندىق ارىپتەستەرىنە ءتۇرلى اۋرۋلاردى ەمدەۋ جولدارى مەن تىڭ تاسىلدەرىن كورسەتىپ، تاجىريبە الماسۋدا.

شەبەرلىك ساباقتارى ەلورداداعى №2 كوپبەيىندى قالالىق بالالار اۋرۋحاناسى بازاسىندا وتۋدە. شارا بارىسىندا نەبارى 3 كۇندە بىرنەشە ناۋقاسقا وتا جاساۋ  جوسپارلانعان، دەپ حابارلايدى Almaty-akshamy.kz 

بالالار شەتەلدە ەمدەلۋگە ءماجبۇر بولاتىن، ءبىراق اتالمىش شەبەرلىك ساباعىنىڭ ارقاسىندا ولارعا تۋعان جەرىندە تەگىن وتا جاسالماق.

"قازاقستاندا نەيروحيرۋرگيانى دامىتۋدا وسىنداي تاجىريبە الماسۋلار وتە ماڭىزدى. مۇنداي شەبەرلىك سىنىپتارىنىڭ بارىسىندا ءبىز ءوز بىلگەنىمىزدى ۇيرەتسەك، قازاقستاندىق ماماندار ءوز ەمدەۋ جولدارىن بىزگە كورسەتەدى. كەيىن جاڭا ادىستەردى دە ويلاپ تابۋعا بولادى. ماسەلەن، تۇركيادا سيرەك، ءبىراق قازاقستاندا كوپ كەزدەسەتىن دياگنوزدارمەن كەڭ تانىسىپ، ونى ەمدەۋ جولدارىن ۇيرەندىم"، - دەيدى  تۇركيانىڭ ادجيبادەم كلينيكاسىنىڭ بالالار حيرۋرگى بۋراك تاندەر. 

مۇنداي بىرەگەي ىنتىماقتاستىق ەكى ەل اراسىنداعى مەموراندۋمنىڭ ارقاسىندا جۇزەگە اسىپ وتىر. ايتا كەتەيىك، ەندى مۇنداي شەبەرلىك ساباقتارى №2 كوپبەيىندى قالالىق بالالار اۋرۋحاناسى بازاسىندا تۇراقتى تۇردە ءوتىپ تۇرادى. وقۋ-جاتتىعۋ كەزىندە ورىندالاتىن وپەراسيالار جىل سوڭىنا دەيىن جوسپارلانعان. وسىلايشا تاعى ونداعان بالاعا دەنى ساۋ ءومىر سۇرۋگە مۇمكىندىك جاسالادى.