قازاقستان رەسپۋبليكاسى كاسىپوداقتار فەدەراسياسى مەملەكەت باسشىسىنىڭ قازاقستان كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم وتكىزۋ تۋرالى باستاماسىن قولداي وتىرىپ، 6 مامىردا كاسىپوداق مۇشەلەرىنە ۇندەۋ قابىلدادى. كاسىپوداقتار فەدەراسياسىنىڭ رەسپۋبليكالىق شتابىنىڭ شەشىمىنە سايكەس الماتى قالاسى بويىنشا وڭىرلىك شتاب قۇرىلدى.
بۇگىنگى تاڭدا الماتى قالاسىنىڭ كاسىپوداق اكتيۆى 5 ماۋسىمدا رەفەرەندۋم وتكىزۋ جانە قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا ءاقپاراتتىق-تۇسىندىرۋ جۇمىستارىن جۇرگىزۋگە بەلسەندى تۇردە اتسالىسۋدا.
كاسىپوداقتاردىڭ وڭىرلىك شتابىنىڭ مۇشەلەرى ەڭبەك ۇجىمدارىمەن 40-تان استام كەزدەسۋ وتكىزدى. كەزدەسۋلەر 3 ماۋسىمعا دەيىن جالعاسادى. 150-دان استام كەزدەسۋ جوسپارلانعان.
كاسىپوداقتار ورتالىعى قازاقستان رەسپۋبليكاسىنىڭ كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا وقىتۋ سەميناردار وتكىزدى. جۇمىس جالعاسادى.
وڭىرلىك شتابىمىزدىڭ مۇشەلەرى YouTube ارناسىندا قوعامدىق بىرلەستىكتەر وكىلدەرىنە ارنالعان رەسپۋبليكالىق رەفەرەندۋمدى ۇيىمداستىرۋ جانە وتكىزۋ تۋرالى وقىتۋ سەمينارىن قاتىستى. سەميناردى ۇيىمداستىرعان قازاقستان رەسپۋبليكاسىنىڭ رەفەرەندۋم وتكىزۋ جونىندەگى ورتالىق كوميسسياسى مەن اقپارات جانە الەۋمەتتىك دامۋ مينيسترلىگى.
الماتى قالاسىنىڭ كاسىپوداقتارى مەملەكەت باسشىسىنىڭ قازاقستان كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم وتكىزۋ تۋرالى باستاماسىن قولدايدى جانە بارشا قازاقستاندىقتاردى 5 ماۋسىمداعى رەفەرەندۋمعا قاتىسۋعا جانە قوعامنىڭ دەموكراتيالىق پروسەستەرگە ارالاسۋى ءۇشىن، جاڭا قازاقستاندى قۇرۋ جولىنداعى دەموكراتيالىق وزگەرىستەر ءۇشىن داۋىس بەرۋگە شاقىرادى. نەگىزگى زاڭعا ۇسىنىلىپ وتىرعان وزگەرىستەر مەن تولىقتىرۋلار ءاربىر ازاماتتىڭ نەگىزگى قۇقىقتارى مەن كەپىلدىكتەرىن، قوعامداعى تۇراقتىلىق پەن بىرلىكتى قورعاۋعا باعىتتالعان.