تۇركيانىڭ اۋە كۇشتەرى ەرەجەنى وزگەرتۋدى تالاپ ەتتى
تۇركيانىڭ اسكەري اۋە كۇشتەرى افينامەن اراداعى ءدۇردارازدىققا بايلانىستى گرەسيادا وتەتىن ناتو-نىڭ Tiger Meet جاتتىعۋلارىنا قاتىسا المايدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
Sabah ءوز دەرەككوزدەرىنە سىلتەمە جاساي وتىرىپ، گرەكيا قابىلداۋشى ەل رەتىندە "ەكى ەل اراسىنداعى قاراما-قايشىلىقتاردى قوزدىرۋ ماقساتىندا" وقۋ-جاتتىعۋ سەنارييىنە تەحنيكالىق تولىقتىرۋلار ەنگىزدى دەپ حابارلايدى.
تۇركيانىڭ اۋە كۇشتەرى ەرەجەنى وزگەرتۋدى تالاپ ەتتى، ءبىراق ولاردىڭ پىكىرى ەسكەرىلمەدى.
جاتتىعۋلارعا قاتىسپايمىز دەپ شەشىم قابىلدادىق، ويتكەنى گرەكيا جاتتىعۋلاردى ءوزىنىڭ ساياسي مۇددەسىنە ساي يكەمدەپ، ارەكەت ەتتى. تۇرىك اۋە كۇشتەرىنىڭ جاتتىعۋلارعا قاتىسپايتىندىعى تۋرالى قابىلداعان شەشىمى گرەكيا بيلىگىنە جولدانعانى بەلگىلى بولدى، دەلىنگەن حابارلامادا.
F-16 Fighting Falcon تۇرىك اتقىش ۇشاعى 9-22 مامىر ارالىعىندا گرەكيادا وتەتىن ناتو جاتتىعۋلارىنا قاتىسۋى كەرەك بولاتىن.
سونداي-اق، بۇعان دەيىن گرەك اقپارات قۇرالدارى تۇرىك اسكەري ۇشاقتارى گرەك اۋە كەڭىستىگىن ۇنەمى بۇزىپ كىرۋىنە بايلانىستى تۇركياعا ارنالعان شاقىرتۋدىڭ كۇشىن افينانىڭ ءوزى جويعانىن حابارلاعان ەدى.
ناتو-نىڭ Tiger Meet جاتتىعۋلارى گرەكيادا 9-22 مامىر ارالىعىندا وتەدى.