قازاقستاننىڭ تۇركيادا سەگىز قۇرمەتتى كونسۋلدىعى بار.
ق ر سىرتقى ىستەر مينيسترلىگىنىڭ اقپاراتىنا سايكەس، تۇركيا شىعىسىنداعى احلات قالاسىندا قازاقستاننىڭ قۇرمەتتى كونسۋلدىعى اشىلدى، دەپ حابارلايدى Almaty-akshamy.kz
قۇرمەتتى كونسۋلدىقتىڭ اشىلۋىنا بيتليس پروۆينسياسىنىڭ گۋبەرناتورى، دەپۋتاتتار، قالا مەن اۋدان مەرلەرى، پروۆينسيانىڭ الدىڭعى قاتارلى وكىلدەرى جانە بۇقارالىق اقپارات قۇرالدارى قاتىستى.
وكىلدىكتىڭ تۇساۋكەسەر سالتاناتىندا ەلشى ابزال ساپاربەك ۇلى بۇگىنگى ەرەكشە ءىس-شارا باۋىرلاس ەلدەر قازاقستان مەن تۇركيا اراسىنداعى ديپلوماتيالىق قارىم-قاتىناستىڭ مەرەيلى 30 جىلدىعى قارساڭىندا ءوتىپ جاتقانىن اتاپ ءوتتى.
سونداي-اق ستراتەگيالىق ءارى سەنىمدى نىساندا قالىپتاسقان ەكىجاقتى ىنتىماقتاستىققا نازار اۋداردى. وسى رەتتە، تاريحي ماڭىزى بار احلات قالاسىندا قۇرمەتتى كونسۋلدىقتىڭ اشىلۋى ەكى ەلدىڭ رۋحاني-مادەني، ەكونوميكالىق قارىم-قاتىناستارىنىڭ دامۋىنا وڭ سەپتىگىن تيگىزەتىنىنە سەنىم ءبىلدىردى.