تۇرىك ەلشىسى قازاقستاندىق قۇتقارۋشىلارعا العىس ايتتى
ەلگە ورالعان قازاقستاندىق قۇتقارۋشىلاردى تۇركيانىڭ قر-داعى توتەنشە جانە وكىلەتتى ەلشىسى ۋفۋك ەكيدجي كۇتىپ الدى، دەپ حابارلايدى almaty-akshamy.kz.
تۇرىك ەلشىسى قيىن ساتتە كومەككە كەلگەن باۋىرلاس حالىقتىڭ قولداۋىنا العىس ءبىلدىردى.
«تۇركيانىڭ ەلشىسى رەتىندە ءوز اتىمنان جانە تۇركيا حالقىنىڭ اتىنان قازاقستاندىق قۇتقارۋشىلارعا، ولاردىڭ وتباسىنا اتقارعان ەڭبەگى ءۇشىن العىس ايتقىم كەلەدى. ەكى ەل اراسىنداعى ءوزارا كومەك الماسۋ بولاشاقتا جالعاسىن تابادى. تۇركيا دا باۋىرلاس قازاقستان ەلىنىڭ حالقىنا كومەك كورسەتۋگە دايىن. الەمدە تابيعي اپاتتار بولىپ تۇرادى. وسى رەتتە تۇركيا قازاقستانمەن سەرىكتەستىك جاساۋعا ءاردايىم دايىن. تاعى دا ەكيپاج بەن ولاردىڭ وتباسىنا كورسەتكەن كومەگى ءۇشىن العىس ايتامىن»، - دەدى ەلشى.
ەستەرڭىزگە سالا كەتەيىك، تۇركيانىڭ ماناۆگات اۋدانىندا تاۋلى جەردە الاپات ءورت شىعىپ، بىرنەشە ولكە زارداپ شەكتى. تامىز ايىنىڭ باسىندا مەملەكەت باسشىسى قاسىم-جومارت توقايەۆتىڭ تاپسىرماسىمەن ق ر توتەنشە جاعدايلار مينيسترلىگىنىڭ مي-8 امت ەكى تىكۇشاعى مەن 16 قۇتقارۋشىسى كومەك كورسەتۋ ماقساتىندا تۇركيا رەسپۋبليكاسىنا اتتانعان بولاتىن.