جەر سىلكىنىسىنەن كەيىن 2 412 افتەرشوك تىركەلگەن
تۇركياداعى جويقىن تابيعات اپاتىنان كوز جۇمعاندار سانى 30 مىڭعا جۋىقتادى. بۇل تۋرالى ەلدىڭ توتەنشە جاعدايلاردىڭ الدىن الۋ جانە سالدارىن جويۋ باسقارماسى (AFAD) ءمالىم ەتتى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
AFAD مالىمەتتەرى بويىنشا ەپيورتالىعى كاحرامانماراشتاعى پازاردجيك جانە ەلبيستان اۋداندارىندا بولعان ەكى جەر سىلكىنىسىنەن كەيىن 2 412 افتەرشوك تىركەلگەن.
جويقىن ءزىلزالا قۇرباندارىنىڭ سانى تۇركيا ۋاقىتىمەن ساعات 15:55-تە 29 605 ادامعا جەتتى.
ەسكە سالساق، 6 اقپاندا تۇركيادا جەتى بالدان اساتىن ەكى جەر سىلكىنىسى بولدى. جۇزدەگەن افتەرشوكپەن جالعاسقان جەراستى ءدۇمپۋى ەلدىڭ 10 پروۆينسياسىندا، سونداي-اق كورشىلەس مەملەكەتتەردە دە سەزىلدى. سونىڭ ءبىرى – سيريا، ونداعى قۇرباندار سانى 3 574-كە جەتتى.
ايتا كەتسەك، قازاقستان توتەنشە جاعدايلار مينيسترلىگىنىڭ قۇتقارۋشىلارى دا تۇركيادا ىزدەستىرۋ-قۇتقارۋ جۇمىستارىن جۇرگىزىپ جاتىر. ولار 7 ادامدى قۇتقارىپ، مەديسينا قىزمەتكەرلەرىنە تاپسىردى. قايتىس بولعان 19 ادامنىڭ، ونىڭ ىشىندە ءبىر بالانىڭ دەنەسى ءۇيىندى استىنان شىعارىلدى.