وليمپيادا چەمپيونى ولگا رىپاكوۆا كاسىبي مانسابىن رەسمي تۇردە اياقتادى
وليمپيادا چەمپيونى ءارى كۇمىس جانە قولا جۇلدەگەرى، قازاقستاندىق جەڭىل اتلەت ولگا رىپاكوۆا كاسىبي مانسابىن رەسمي تۇردە اياقتادى، دەپ حابارلايدى Almaty-akshamy.kz.
قازاقستان جەڭىل اتلەتيكا فەدەراسياسىنان ءمالىم ەتكەنىندەي، اتاقتى اتلەت بۇل تۋرالى استانادا جەڭىل اتلەتيكادان وتكەن جابىق كەشەندەگى ح ازيا چەمپيوناتىندا حابارلادى.
«ەلىمە ريزامىن! پرەزيدەنت پەن سپورت جەتەكشىلەرىنەن باستاپ مەنىڭ ەڭ جاس جانكۇيەرلەرىمە دەيىن ءبىر عانا، ءبىراق وتە ماڭىزدى نارسە – ماعان دەگەن سەنىمدەرى ءۇشىن العىس ايتامىن. مەنى تۇلعا رەتىندە، كاسىبي سپورتشى رەتىندە تانىتۋعا مۇمكىندىك بەرگەن تاعدىرعا جانە قۇدايعا العىس ايتامىن»،- دەدى و.رىپاكوۆا.
وتاندىق سپورتتىڭ دامۋىنا ۇلكەن ۇلەس قوسقانى ءۇشىن ق ر پرەمەر-مينيسترى سپورتشىعا العىس حات جولدادى.
«ءسىزدىڭ جارقىن جەڭىستەرىڭىز قازاقستاندىق جانكۇيەرلەردىڭ جۇرەگىندە ماڭگى قالادى. ءبىز ءسىزدىڭ سپورتقا جانە پرينسيپتەرگە دەگەن ادالدىعىڭىزدى باعالايمىز. ەل بويىنشا مىڭداعان بالا سىزدەن ۇلگى الادى جانە وتاندىق جەڭىل اتلەتيكا ءداستۇرىن جالعاستىرادى. وتاندىق سپورتتى دامىتۋعا قوسقان ۇلەسىڭىز ءۇشىن زور العىسىمىزدى بىلدىرەمىز. قۇرمەتپەن، ق ر پرەمەر-مينيسترى ءاليحان سمايىلوۆ»، - دەلىنگەن العىس حاتتا.
سالتانات سوڭىندا سپورتشى جانكۇيەرلەر الدىندا قۇرمەت شەڭبەرىن جۇگىرىپ ءوتتى.