التىندى ەرنۇر فيداحمەتوۆ جەڭىپ الدى.
تۇركيادا گرەك-ريم كۇرەسىنەن رەيتينگتىك تۋرنير اياقتالىپ، قازاقستاندىق بالۋاندار 1 التىن، 1 كۇمىس جانە 3 قولا مەدال جەڭىپ الدى. ودان بولەك، التى سپورتشى بەسىنشى ورىن يەلەندى، دەپ حابارلايدى Almaty-akshamy.kz Olympic.kz cىلتەمە جاساپ.
باس باپكەر سەرىك جۇماشيەۆتىڭ ايتۋىنشا، بالۋاندار ءوز دەڭگەيىندە ونەر كورسەتكەن.
«تۋرنيرگە 15 مەملەكەتتىڭ بالۋاندارى قاتىستى. قازاقستان كومانداسى جالپى ەسەپتە 28 سپورتشىنى جارىسقا قوسقان بولاتىن. ونىڭ ىشىندە بەسەۋى جۇلدەگە ىلىكتى. ءبىر التىن، ءبىر كۇمىس، ءۇش قولا مەدال بار. ودان بولەك، قولا جۇلدەگە تالاسقان التى سپورتشىمىز جەڭىلىپ قالدى. جالپى العاندا، بۇل - بيىلعى ماۋسىمنىڭ بەتاشار جارىسى. قاي بالۋاننىڭ دايىندىعى قاي دەڭگەيدە ەكەنىن باقىلادىق. ەندى الداعى باسەكەلەرگە دايىندالامىز»، - دەدى جۇماشيەۆ.
ايتا كەتەلىك، تۇركيا جەرىندەگى جالعىز التىندى ەرنۇر فيداحمەتوۆ جەڭىپ العان بولاتىن.