زاپاستاعى وفيسەرلەردى شاقىرۋ جىل سايىن جۇزەگە اسىرىلادى.
ق ر قورعانىس مينيسترلىگى ق ر ۇكىمەتىنىڭ زاپاستاعى وفيسەرلەردى اسكەري قىزمەتكە شاقىرۋ تۋرالى قاۋلىسىنا رەسمي تۇسىنىك بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستان رەسپۋبليكاسى ۇكىمەتىنىڭ قاۋلىسىنا سايكەس، 2022 جىلى اسكەري قىزمەتكە جارامدى جانە ودان وتپەگەن زاپاستاعى وفيسەرلەر ەكى جىل مەرزىمگە اسكەري قىزمەتكە شاقىرىلاتىن بولادى.
زاپاستاعى وفيسەرلەردى شاقىرۋ جىل سايىن جۇزەگە اسىرىلادى. ق ر «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنىڭ 32-بابىنا سايكەس، اسكەري قىزمەتكە جارامدى 29 جاسقا دەيىنگى زاپاستاعى وفيسەرلەر ۇكىمەت قاۋلىسى نەگىزىندە ۋاكىلەتتى ورگانداردىڭ وتىنىمدەرى بويىنشا بەيبىت ۋاقىتتا وفيسەرلەر قۇرامىنىڭ لاۋازىمدارىندا اسكەري قىزمەت وتكەرۋ ءۇشىن شاقىرىلادى.
بيىل زاپاستاعى 190 وفيسەر، ونىڭ ىشىندە قارۋلى كۇشتەردىڭ 150 وفيسەرى جانە ۇلتتىق قاۋىپسىزدىك كوميتەتى شەكارا قىزمەتىنىڭ 40 وفيسەرى اسكەرگە شاقىرىلاتىن بولادى»، - دەلىنگەن مينيسترلىك حابارلاماسىندا.
ەسكە سالايىق، بۇگىن ق ر پرەمەر-مينيسترى ءاليحان سمايىلوۆ زاپاستاعى وفيسەرلەردى اسكەري قىزمەتكە شاقىرۋ تۋرالى قاۋلىعا قول قويعان بولاتىن. قۇجات العاشقى رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.