تاريح عىلىمدارىنىڭ دوكتورى مۇستافا دەميرجي قازاق ۇلتتىق قىزدار پەداگوگيكالىق ۋنيۆەرسيتەتىندە ساباق بەرۋ ءۇشىن كونيا قالاسىنان ارنايى باعدارلامامەن كەلدى.
تۇركيانىڭ توپ 10 ۋنيۆەرسيتەتتەرىنىڭ قاتارىنا كىرەتىن سەلدجۋك ۋنيۆەرسيتەتىنىڭ پروفەسسورى تاريح كافەدراسىنىڭ ستۋدەنتتەرىنە «وركەنيەتتەر تاريحى»، «يسلام وركەنيەتىن زەرتتەۋدەگى نەگىزگى ماسەلەلەر»، «تۇركىستانداعى ساياسي جاعداي جانە مۇسىلمانداردىڭ ورتا ازيانى جاۋلاپ الۋى» سەكىلدى وزەكتى، ءارى قىزىقتى تاقىرىپتار بويىنشا سەمينارلار وقىپ ءجۇر. دارىستەر تەك اعىلشىن تىلىندە وتەدى. دەسە دە پروفەسسور ستۋدەنتتەرمەن سويلەسۋ بارىسىندا قازاق ءتىلىن ۇناتىپ، ونى قىزىعۋشىلىقپەن ۇيرەنۋدى باستاپ كەتتى، دەپ حابارلايدى Almaty-akshamy.kz ق ر عىلىم جانە جوعارى ءبىلىم مينيسترلىگىنە سىلتەمە جاساپ.
ايتا كەتەيىك، مۇستافا دەميرجي اراب، اعىلشىن جانە فرانسۋز، پارسى تىلدەرىندە ەركىن سويلەيدى. تۇركيانىڭ تانىمال پروفەسسورى قازاق ۇلتتىق قىزدار پەداگوگيكالىق ۋنيۆەرسيتەتىنە كەلگەن كۇننەن باستاپ ءبىر اي ىشىندە قازاق تىلىندە تازا سويلەۋدى الدىنا ماقسات ەتىپ قويدى.
سونداي-اق تاريح عىلىمىن زەرتتەۋدە 28 جىلدىق تاجىريبەسى پروفەسسور قازاق ۇلتتىق قىزدار پەداگوگيكالىق ۋنيۆەرسيتەتىندە جۇمىسى بارىسىندا پروفەسسورلىق-وقىتۋشى قۇراممەن بىرلەسكەن حالىقارالىق جوبالاردى جاساۋ جاعىن دا قاراستىرادى.