15 834 ادام جاراقات العان.
تۇركيانىڭ وڭتۇستىگىندە بولعان ءزىلزالادان قازا تاپقاندار سانى 2921 ادامعا جەتتى. بۇل تۋرالى تۇركيا توتەنشە جاعدايلار باسقارماسىنىڭ (AFAD) باسشىسى يۋنۋس سەزار مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ سوزىنشە، 15 834 ادام جاراقات العان.
تۇركيا ۆيسە-پرەزيدەنتى فۋات وكتاي ءۇيىندى استىنان 7840 ادام امان شىققانىن حابارلادى.
سونداي-اق ف.وكتاي 338 مىڭ ادام جاتاقحانا، ۋنيۆەرسيتەت پەن ءتۇرلى ورنالاستىرۋ ورىندارىنا جايعاستىرىلعانىن ايتتى.
پرەزيدەنت رەجەپ تاييپ ەردوعان تۇركيادا جەتى كۇنگە جالپىۇلتتىق ازا تۇتۋ كۇنىن جاريالادى. ەل اۋماعىندا بارلىق مەملەكەتتىك تۋلار ءتۇسىرىلدى.
AFAD دەرەگىنشە، تۇركيانىڭ وڭتۇستىك-شىعىسىندا ءبىر تاۋلىك ىشىندە ماگنيتۋداسى جەتى بالدان جوعارى ەكى جەر سىلكىنىسى (جەرگىلىكتى ۋاقىتپەن 04:17-دە – 7،7 بالل، 13:24-تە – 7،6 بالل) بولعان.
تۇركيا بيلىگى جەراستى ءدۇمپۋىنىڭ قايتالانۋىنان قاۋىپتەنىپ، تۇرعىنداردان ۇيلەرىنە قايتپاۋدى سۇرادى.