تۇركيانىڭ وڭتۇستىك-شىعىسىنداعى كاحرامانماراش پروۆينسياسىنىڭ دۋلكاديروگلۋ اۋدانىندا جەر سىلكىنىسىنەن 198 ساعات وتكەن سوڭ ەكى اعايىندى ءۇيىندى استىنان تابىلدى.
جەرگىلىكتى باق-تىڭ حابارلاۋىنشا، بۇگىن قيراعان ۇيلەردىڭ استىنان 17 جاستاعى موحاممەد ەنەس يەنينار مەن ونىڭ 21 جاستاعى ۇلكەن اعاسى باكي يەنينار شىعارىلدى. ولار اۋرۋحاناعا جاتقىزىلدى، دەپ حابارلايدى Almaty-akshamy.kz.
قۇتقارۋشىلار اپات ايماعىنان امان قالعانداردى تابۋدان ءۇمىتىن ۇزبەيدى. اقپاننىڭ 12ء-سى كۇنى تۇرىك قۇتقارۋشىلارى جۇرەك تەبىرەنتەرلىك كادرلارمەن ءبولىستى. 140 ساعاتتاي ءۇي قيراندىسىنىڭ استىندا جاتقان 7 ايلىق ءسابي امان-ەسەن قۇتقارىلدى.
11 اقپاندا تۇركيانىڭ ادياما قالاسىندا جەر سىلكىنىسى بولعاننان كەيىن 114 ساعات وتكەن سوڭ ءۇيىندى استىنان 10 جاستاعى بالا شىعارىلدى.