كەي تاۋارلار ءبىر جىلدا 94 پروسەنتكە وسكەن
تۇركيادا جىلدىق ينفلياسيا 78 پروسەنتكە جەتتى، دەپ حابارلايدى Almaty-akshamy.kz «حابار 24»-كە سىلتەمە جاساپ. بۇل 1998 جىلدان بەرى بولماعان جاعداي. ازىق-تۇلىك، جانارماي جانە ەلەكتر ەنەرگياسى قىمباتتاپ جاتىر. تۇركيا ستاتيستيكا ينستيتۋتىنىڭ مالىمەتىنە قاراعاندا، ازىق-تۇلىك پەن ءسپيرتسىز ىشىمدىك قۇنى سوڭعى ءبىر جىلدا 94 پروسەنتكە وسكەن. ال جيھاز بەن تۇرمىستىق تەحنيكا 81 پروسەنتكە كوتەرىلگەن. ەلدىڭ ۇلتتىق ۆاليۋتاسى ليرا قۇنسىزداندى. ۋكرايناداعى احۋال جاعدايدى ءتىپتى ۋشىقتىرىپ جىبەرگەن.
– قىمباتشىلىقتى سەزىنە باستادىق. ءقازىر ءبىر زات ساتىپ الۋ ءۇشىن 4-5 رەت ويلاناتىن بولدىم. باياعىدا تاڭداعان زاتىمدى الىپ، قالاعان جەرىمە باراتىن ەدىم. ەندى كوپ اقىلداساتىن بولدىم.
– ينفلسيانىڭ شارىقتاۋى مەنىڭ كاسىبىمە كەرى اسەرىن تيگىزدى. بيىل تاۋارىمنىڭ 20 پروسەنتىن ساتا المايتىن سياقتىمىن. جانارماي مەن ەلەكتر ەنەرگياسىنىڭ قىمباتتاۋىنان بيزنەسىم اقساپ تۇر.