تۇركيادا وتكەن كورمەدە تۇركى الەمى تالقىلاندى

كورمەدە ەلباسىن ۇلىقتاۋ راسىمىندەگى توسەلگەن اق كيىز بار

تۇركيا استاناسىندا وتكەن كورمەدە قازاقستاننىڭ قالىپتاسۋىنىڭ ماڭىزدى كەزەڭدەرىن باياندايتىن 400-دەن استام ەكسپونات قويىلدى. ولاردىڭ ىشىندە ۇلتتىق كيىمدەر، قازاقستان تاريحى بويىنشا ازاتتىق ءۇشىن كۇرەستىڭ ءتۇرلى كەزەڭدەرىندەگى جادىگەرلەرى ۇسىنىلعان. ءتىپتى ەلىمىزدىڭ تۇڭعىش پرەزيدەنتى – ەلباسىن ۇلىقتاۋ راسىمىندە توسەلگەن اق كيىز دە بار. ال «تۇركى بىرلىگى» بولىمىندە قازاقستان مەن تۇركيا اراسىنداعى ەكىجاقتى قارىم-قاتىناستىڭ جوعارى دەڭگەيى كورسەتىلگەن.

«ۇلتتىق كىتاپحانا شاڭىراعىندا وسىنداي كورمەنىڭ ءوتىپ وتىرعانىنا قۋانىشتىمىز. بۇل جەر – تۇركيانىڭ ەڭ ۇلكەن كىتاپحاناسى»، - دەدى تۇركيا پرەزيدەنتى اكىمشىلىگى جانىنداعى ۇلتتىق كىتاپحانا ديرەكتورى ايحان تۋعلۋ.

سونىمەن قاتار «تۇركى الەمى: تاريح، قازىرگى زامان، بولاشاق» حالىقارالىق كونفەرەنسياسى ءوتتى. وعان بەلگىلى ساياسي جانە قوعام قايراتكەرلەرى جينالدى.

ايتا كەتەيىك، قوس شارا دا قازاقستان تاۋەلسىزدىگىنىڭ 30 جىلدىعىنا ورايلاستىرىلعان.

«قوس شارانىڭ قازاقستان تاۋەلسىزدىگىنىڭ 30 جىلدىق مەرەيتويى قارساڭىندا تۇركيادا ءوتۋى كەزدەيسوقتىق ەمەس. سەبەبى تۇركيا – تاۋەلسىزدىگىمىزدى ءبىرىنشى بولىپ مويىنداعان، ءبىزدى ءاردايىم قولداپ كەلە جاتقان باۋىرلاس حالىق»، - دەدى ق ر تۇڭعىش پرەزيدەنتى – ەلباسى كىتاپحاناسىنىڭ ديرەكتورى باقىتجان تەمىربولات