پوليسەيلەر الماتىعا «قوناققا كەلگەن» ۇرىنى قولعا ءتۇسىردى

1996 جىلى تۋعان ي.ەسىمدى ازامات شاھارعا بىرنەشە اي بۇرىن كەلگەن.

الماتى حوستەلدەرىنەن ۇرلىق جاساعان ۇرى ۇستالدى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.

المالى اۋداندىق پوليسيا باسقارماسىنىڭ مالىمەتى بويىنشا، 1996 جىلى تۋعان ي.ەسىمدى ازامات شاھارعا بىرنەشە اي بۇرىن كەلگەن. ول حوستەلگە توقتاعان، ءبىراق ول جەردە بىرنەشە كۇننەن ارتىق جاتپاعان. وسى ۋاقىت ىشىندە ول قوناقتاردى مۇقيات اڭدىپ، بىرنەشە ۇرلىق جاساپ ۇلگەرگەن.

«بارلىق قالتا ۇرىلارى سياقتى، كۇدىكتى دە جابىرلەنۋشىلەرگە بايقاتپاي قالتالارى مەن سومكەلەرىنەن باعالى زاتتاردى ۇرلاعان. ۇرلىقتىڭ باسىم بولىگى تۇندە، ياعني تۇرعىندار ۇيىقتاپ جاتقاندا جاسالعان. قازىرگى ۋاقىتتا ۇستالعان ازامات جاساعان بوتەننىڭ مۇلكىن ۇرلاۋدىڭ بەس ەپيزودى دالەلدەندى. ولاردىڭ ودان دا كوپ بولۋى مۇمكىن ەكەنىن جوققا شىعارمايمىز، ونىڭ باسقا دا وسىعان ۇقساس مۇلىكتىك قىلمىستارعا قاتىسى بار-جوعى تەكسەرىلۋدە»، – دەدى المالى اۋداندىق پب باسشىسى ەسەن ىسقاقوۆ.

بەلگىلى بولعانداي، 25 جاستاعى كۇدىكتى بۇعان دەيىن دە وسىنداي قىلمىس جاساعانى ءۇشىن سوتتى بولعان. ءقازىر ۇرىعا قاتىستى ق ر قك-نىڭ 188-بابى بويىنشا سوتقا دەيىنگى تەرگەۋ امالدارى جۇرگىزىلۋدە.