ءورتتىڭ جىلدام تارالۋىنا اپتاپ ىستىق پەن جەلدى اۋا رايى ىقپال ەتكەن.
تۇركيانىڭ انتاليا پروۆينسياسىنداعى ورمان ورتىنەن 3 ادامنىڭ كوز جۇمعانى بەلگىلى بولدى. جالپى ءتىلسىز جاۋدان زارداپ شەككەن 122 ادامنىڭ 58ء-ى اۋرۋحاناعا جەتكىزىلگەن، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
AFAD (تۇركيا رەسپۋبليكاسى ۇكىمەتىنىڭ جانىنداعى توتەنشە جاعدايلاردىڭ الدىن الۋ جانە سالدارىن جويۋ باسقارماسى) مالىمەتى بويىنشا، ءورت 28 شىلدەدە تۇسكى كەزىندە انتاليا پروۆينسيانىڭ ءتورت ايماعىندا ءورت شىققان. ءورتتىڭ جىلدام تارالۋىنا اپتاپ ىستىق پەن جەلدى اۋا رايى ىقپال ەتكەن. ءورتتى اۋىزدىقتاۋعا ءورتى ءسوندىرۋ اۆياسياسى مەن قۇرلىقتاعى توتەنشە جاعدايمەن كۇرەس قىزمەتتەرى جۇمىلدىرىلعان.
ءورت سالدارىن جويۋعا 1 ۇشاق، 19 تىكۇشاق، 1 پيلوتسىز ۇشۋ اپپاراتى، 192 ءورت ءسوندىرۋ ماشيناسى، 30 قۇرىلىس تەحنيكاسى، 19 جەدەل جاردەم ماشيناسى، 5 دالا اسحاناسى جانە جەكە قۇرامنىڭ 1000-نان استام ادامى تارتىلعان.
«جالىننىڭ جولىندا قالعان 18 ەلدى مەكەننىڭ تۇرعىندارى ءقاۋىپسىز جەرگە كوشىرىلدى. ماناۆگات اۋدانىنداعى جاعداي باقىلاۋعا الىندى، ءبىراق اقسەكىدە ءورت باسىلعان جوق»، - دەدى تۇركيانىڭ اۋىل شارۋاشىلىعى جانە ورمان شارۋاشىلىعى ءمينيسترى بەكىر پاكدەمىرلى.
«انادولى» اگەنتتىگىنىڭ جازۋىنشا، ءورت سوندىرۋشىلەردى ۋاقىتشا تۇراقپەن قامتاماسىز ەتۋ ءۇشىن 1 300 ادام سىياتىن 6 جاتاقحانا دايىندالعان.
جەرگىلىكتى پوليسيا مەن قۇتقارۋ قىزمەتتەرى وڭىردە ءورت ءقاۋپى ءالى سەيىلمەگەنىن ەسكەرتىپ جاتىر.
ءقاۋىپتى اۋماقتارعا كىرەتىن اۆتوكولىك جولدارى جابىلىپ، قوزعالىس شەكتەلگەن. اپات ايماعىن اينالىپ وتەتىن بالاما جولدار ازىرلەنىپ جاتىر.
ماناۆگات اۋدانىنىڭ گۋبەرناتورى مۇستافا يگىت ويماپىنار بوگەتىنە ءتۇسىپ كەتكەن 10 ازامات قۇتقارىلىپ، ءقاۋىپسىز جەرگە جەتكىزىلگەنىن ايتقان.
ال بۇگىن تۇركيانىڭ مارماريس جانە ميلاس اتتى تۋريستىك قالالارىندا ورماندى-دالا القاپتار ورتەندى. ونى جويۋ جانە تابيعي اپاتتان زارداپ شەككەندەردى ىزدەستىرۋ-قۇتقارۋ جۇمىستارى باستالىپ كەتتى.
ءقازىر توتەنشە جاعداي بولعان اۋداندا بارلىق ساياحاتتار توقتاتىلدى. قازاقستاندىق تۋريستەر اراسىنان كومەك سۇراعاندار جوق.