بۇل ەلدە ۆيرۋستىڭ «دەلتا» جانە وزگە شتامم تۇرلەرى تارالعان.
بىرىككەن ۇلتتار ۇيىمى COVID-19 تارالۋى بويىنشا الەمدەگى جاعدايدى تالداۋ نەگىزىندە ەڭ كەدەي مەملەكەتتەردىڭ ءبىرى - ميانما ينفەكسيانىڭ تۇراقتى تارالۋ وشاعىنا اينالۋى مۇمكىن ەكەنىن ەسكەرتەدى، دەپ حابارلادى Almaty-akhamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
«ميانما COVID-19 تارالۋىنىڭ اسا ءقاۋىپتى وشاعىنا اينالىپ كەلەدى، بۇل ەلدە ۆيرۋستىڭ اسا جۇقپالى ءارى ءقاۋىپتى جاڭا نۇسقالارى – «دەلتا» جانە وزگە شتامم تۇرلەرى تارالعان. بۇل وتە ءقاۋىپتى»، - دەدى بۇۇ ارنايى بايانداماشىسى توم ەندريۋس.
ول اتالمىش ەلدىڭ جەر شارى تۇرعىندارىنىڭ ۇشتەن ءبىر بولىگى شوعىرلانعان - بانگلادەش، ءۇندىستان جانە جۇڭگو مەملەكەتتەرمەن ورتاق شەكاراسى بار ەكەنىن اتاپ ءوتتى.