تۇركياداعى جوعارى وقۋ ورىندارى ونلاين ءبىلىم بەرۋگە كوشەدى.
قازاقستان ەلشىلىگى تۇركيادا ءبىلىم الىپ جاتقان قازاقستاندىق ستۋدەنتتەرگە ۇندەۋ جاسادى، دەپ حابارلايدى اlmaty-akshamy.kz سىرتقى ساياسات ۆەدومستۆوسىنا سىلتەمە جاساپ.
«وزدەرىڭىزگە بەلگىلى بولعانداي، 6 اقپاندا تۇركيانىڭ وڭتۇستىك-شىعىس ايماعىندا ورىن العان جەر سىلكىنىسى سالدارىنان جاراقات العان ازاماتتاردىڭ سانى ارتىپ كەلەدى.
وسىعان بايلانىستى تۇركيا پرەزيدەنتى ەلدەگى جوعارى وقۋ ورىندارى ونلاين ءبىلىم بەرۋگە كوشىرىلەتىنىن حابارلادى. بۇل رەتتە، مەملەكەت مەنشىگىندەگى جوو-لاردىڭ جاتاقحانالارى زارداپ شەككەن ازاماتتاردى ۋاقىتشا ورنالاستىرۋ ءۇشىن پايدالانىلاتىن بولادى.
ايتا كەتەيىك تۇركيا بيلىگىنىڭ بۇل حابارلاندىرۋى جەكەمەنشىك پاتەردە/جاتاقحانادا، جالعا الىنعان پاتەردە تۇرىپ جاتقان ستۋدەنتتەرگە قاتىستى ەمەس. ونىمەن قوسا، تۇركيادا تۇرىپ، ساباقتى ونلاين جالعاستىرا الادى»، - دەلىنگەن ەلشىلىك مالىمەتىندە.