تۇركيادا كوز جۇمعان قازاقستان ازاماتىنىڭ جەكە باسى انىقتالدى

وتكەن جەكسەنبىدە تۇركيادا جول اپاتى بولىپ، زارداپ شەككەن قازاقستاندىقتاردىڭ ءبىرى اۋرۋحانادا كوز جۇمعانى حابارلانعان ەدى.

قايعىلى وقيعا سالدارىنان ماڭعىستاۋ وبلىسىنىڭ تۇرعىنى قايتىس بولعانى بەلگىلى بولدى، دەپ حابالارلايدى Almaty-akshamy.kz.

Lada باسىلىمىنىڭ جازۋىنشا، 49 جاستاعى ماڭعىستاۋلىق زاڭگەر كەنجە مۇڭايتپاس ۇلى تۇركيانىڭ الانيا قالاسىندا بولعان جول اپاتى سالدارىنان كوز جۇمدى. ماڭعىستاۋ وبلىستىق ادۆوكاتتار القاسى پرەزيديۋمىنىڭ ءتوراعاسى باۋىرجان مۇسايەۆ مارقۇمدى ەسكە الىپ، جاقىندارىنا كوڭىل ايتتى.

كەنجە مۇڭايتپاس ۇلى 2018 جىلدان باستاپ ادۆوكاتتىق قىزمەتپەن اينالىسقان. ول 2002-2013 جىلدار ارالىعىندا پروكۋراتۋرا ورگاندارىندا جۇمىس ىستەگەن.

«كەنجە مۇڭايتپاس ۇلىنىڭ قايتىس بولعانى تۋرالى حابار ءبىزدى قاتتى قايعىرتتى. وسى قيىن ساتتە وكىنىشىمىزدى جەتكىزۋ ءۇشىن كوڭىل ايتۋ جەتكىلىكسىز. ول ادال زاڭگەر، ەرەكشە كاسىبي مامان بولعان. ونىڭ ومىردەن ءوتۋى – ءبىزدىڭ قوعام ءۇشىن ورنى تولماس قايعى. ونىڭ تالانتى مەن جانكەشتىلىگى ەشقاشان ۇمىتىلمايدى. كەنجە مۇڭايتپاس ۇلىنىڭ وتباسىنا دوستارى مەن تۋىستارىنىڭ قولداۋى قايعىنى ەڭسەرۋگە كومەكتەسەدى دەگەن ويدامىن»، - دەدى باۋىرجان مۇسايەۆ.

ەسكە سالايىق، ق ر سىرتقى ىستەر مينيسترلىگى 30 شىلدە كۇنى تاڭەرتەڭ الانيادا شاعىن اۆتوبۋس جول اپاتىنا ۇشىراعانىن، ونىڭ ىشىندە قازاقستاننىڭ 12 ازاماتى بولعانىن حابارلاعان ەدى.