رەجەپ تايىپ ەردوعان جارىلىس ورنىنا بارادى دەپ جوسپارلانعان
تۇركيانىڭ سولتۇستىك بولىگىندەگى كومىر شاحتاسىندا جارىلىس كەزىندە قازا تاپقاندار سانى 40-قا دەيىن ءوستى. بۇل تۋرالى تۇركيانىڭ ىشكى ىستەر ءمينيسترى سۇلەيمان سويلۋ مالىمدەدى، دەپ حابارلايدى Almaty-akshamy.kz
«وكىنىشكە قاراي، قازا تاپقاندار سانى 40-قا جەتتى»، - دەدى سويلۋ.
ازاتتىق رۋحى سايتىنىڭ مالىمەتىنشە، بۇعان دەيىن جارىلىس سالدارىنان 28 ادام قازا تاپقانى تۋرالى حابارلانعان بولاتىن. دەنساۋلىق ساقتاۋ ءمينيسترى فاحرەتتين قوجا 11 ادام اۋرۋحانادا ەكەنىن اتاپ ءوتتى.
بارتىن پروۆينسياسىنىڭ اماسرا قالاسىنداعى كومىر شاحتاسىندا جارىلىس جۇما كۇنى ورىن الدى. توتەنشە جاعداي 300 م تەرەڭدىكتە بولدى. جەرگىلىكتى بيلىك شاحتاداعى 87 كەنشى تۋرالى حابارلادى. اماسرا مەرى رەدجاي چاكىر جۋرناليستەرگە الدىن الا اقپارات بويىنشا شاحتادا مەتان جارىلعانىن ايتتى.
سونداي-اق، تۇرىك كوشباسشىسى رەجەپ تايىپ ەردوعاننىڭ 15 قازانداعى جارىلىس ورنىنا ساپارى جوسپارلانعانى تۋرالى حابارلاندى. ول قۇتقارۋ جۇمىستارىن ۇيلەستىرۋ ءۇشىن بارتىنعا بارۋى كەرەك.