شاھار كەنە ەنسەفاليتىنىڭ تارالۋى بويىنشا ەندەميالىق اۋماق
قالادى جىل سايىن كەنە ەنسەفاليتىن جۇقتىرۋ جاعدايلارى تىركەلەدى. مەديسينالىق ۇيىمدارعا جىل سايىن كەنە شاعۋمەن 3 مىڭنان استام ادام جۇگىنەدى، دەپ حابارلايدى Almaty-akshamy.kz.
“ەپيدەميالىق ماۋسىمنىڭ باسىنان باستاپ اعىمداعى جىلدىڭ 13 قازانىنا دەيىن الماتى قالاسىنىڭ مەديسينالىق ۇيىمدارىنا كەنەلەر شاعۋىنا بايلانىستى 3068 ادام جۇگىندى، ونىڭ ىشىندە بالالار سانى - 1513. 2021 جىلدىڭ ۇقساس كەزەڭىمەن سالىستىرعاندا تۇرعىنداردىڭ كەنە شاعۋى بويىنشا جۇگىنۋىنىڭ 23،5% - عا ارتقانى بايقالادى (2021 جىلى - 2344 جاعداي/ونىڭ ىشىندە بالالار سانى-1260). كەنە شاعۋىنان زارداپ شەككەن 3066 ادامعا سەروپروفيلاكتيكا جۇرگىزىلدى (99،9%)”، – دەپ حابارلادى سانيتارلىق-ەپيدەميولوگيالىق باقىلاۋ كوميتەتى.
بيىلعى جىلدىڭ 9 ايىندا بارلىعى 100 مىڭ تۇرعىنعا شاققانداعى كورسەتكىشى 0،33 قۇرايتىن كەنە ەنسەفاليتىنىڭ زەرتحانالىق راستالعان 7 جاعدايى تىركەلدى، 2021 جىلدىڭ ۇقساس كەزەڭىندە كەنە ەنسەفاليتىنىڭ جاعدايلارى بولعان جوق.
100 مىڭ تۇرعىنعا شاققاندا اۋرۋشاڭدىق كورسەتكىشى 0،42 قۇرايتىن لايم اۋرۋىنىڭ (كەنە بوررەليوزىنىڭ) 9 جاعدايى تىركەلدى، بۇل كورسەتكىش 2021 جىلدىڭ ۇقساس كەزەڭىمەن سالىستىرعاندا 2،8 ەسە جوعارى (3 جاعداي، كورسەتكىش-0،15).
“كەنە ەنسەفاليتىمەن جانە لايم اۋرۋىمەن (كەنە بوررەليوزىمەن) اۋىرعاندار مەديسينالىق كومەك الۋ ماقساتىندا تراۆماتولوگيالىق پۋنكتتەرگە ۋاقتىلى جۇگىنبەگەن، تيىسىنشە كەنەگە قارسى يممۋنوگلوبۋلين الماعان، سونداي-اق پروفيلاكتيكالىق ماقساتتا بۇرىن كەنە ەنسەفاليتىنە قارسى ەكپە الماعان. دياگنوز قويىلعاننان كەيىن بارلىق ناۋقاستار قالاداعى ستاسيونارلاردا ناقتى ەم الدى، ناتيجەسىندە ساۋىعىپ كەتتى”، – دەپ حابارلادى كوميتەتتە.
سونىمەن قاتار، كەنەلەرمەن تاسىمالداناتىن اۋرۋلاردىڭ سپەسيفيكالىق ەمەس پروفيلاكتيكاسى ماقساتىندا قالا اۋماعىندا 2424،54 گا الاڭدا اكاريسيدتىك وڭدەۋ جۇرگىزىلدى. ەلدى مەكەندەردىڭ ساياباق جانە ورمان ايماقتارى، ادامداردىڭ دەمالاتىن جانە جاپپاي بولاتىن ورىندارى وڭدەلدى.
الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى كەنە ەنسەفاليتىنىڭ الدىن الۋدىڭ نەگىزگى شاراسى ۆاكسيناسيا ەكەنىن ەسكە سالادى. ۆاكسيناسيالاۋ كۋرسى 1-7 اي ارالىعىنداعى ەكى ۆاكسينادان تۇرادى. كەنە ەنسەفاليتىنە قارسى ەگۋدى جىل بويى الۋعا بولادى، ءبىراق ۆاكسيناسيالاۋدى ەكىنشى ەگۋ ساتىنەن باستاپ كەنەنى كەزىكتىرۋگە دەيىن كەمىندە 2 اپتا وتەتىندەي ەتىپ جوسپارلاۋ كەرەك. ەڭ وڭتايلى كەزەڭ - ءبىرىنشى جانە ەكىنشى ۆاكسيناسيالاۋ اراسىنداعى ينتەرۆال 5-7 اي (ءبىرىنشى ەگۋ كۇزدە، ەكىنشىسى كوكتەمدە).
ۆاكسيناسيالاۋدى كۇزدە باستاۋ كەرەك، ويتكەنى ەپيدەميالىق ماۋسىمنىڭ باسىندا ادام اعزاسى يممۋندىق قورعانىستى دامىتادى جانە ءقاۋىپتى ينفەكسياعا قارسى تۇرا الادى. تۇراقتى يممۋنيتەت ءۇشىن ءبىر جىلدان كەيىن ءۇشىنشى ەكپەنى جاساۋ كەرەك. سودان كەيىن يممۋنيتەتتى ساقتاۋ ءۇشىن ءۇش جىل سايىن ريەۆاكسيناسيالاۋ جۇرگىزۋ قاجەت. قالادا ەگۋدى تۇرعىلىقتى جەرى بويىنشا (نەمەسە تىركەلگەن جەرى بويىنشا) اۋماقتىق ەمحانالاردا دارىگەردىڭ كەڭەسىنەن كەيىن تەگىن الۋعا بولادى”، – دەپ جازىلعان حابارلامادا.
ۆاكسينا العان ادامدار اۋىرعان جاعدايدا اۋرۋ جەڭىل تۇردە وتەدى جانە سالدارى از بولادى. ۋاقتىلى ۆاكسيناسيالاۋ ءسىزدى جانە جاقىندارىڭىزدى كەنە ەنسەفاليتى اۋرۋىنان قورعايدى.