تەرەڭدىگى – 60 شاقىرىم
سارسەنبى كۇنى تۇركيانىڭ شىعىس بولىگىندە 5،4 ماگنيتۋداسىمەن جەر سىلكىندى. بۇل تۋرالى ەۋروپا-جەرورتا تەڭىزى سەيسمولوگيالىق ورتالىعىنان ءمالىم ەتتى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
دەرەككە سايكەس، جەراستى ءدۇمپۋىنىڭ وشاعى 31،4 مىڭ حالقى بار بۋلانىك قالاسىنان وڭتۇستىك-باتىسقا قاراي 33 شاقىرىم جەردە ورنالاستى. تەرەڭدىگى – 60 شاقىرىم.
ەسكە سالايىق، 6 اقپان كۇنى تۇركيانىڭ وڭتۇستىك-شىعىسىنداعى كاحرامانماراش پروۆينسياسىندا 7،7 ماگنيتۋداسىمەن جەر سىلكىنىسى بولدى. ءزىلزالا سوڭىنان جۇزدەگەن افتەرشوك قايتالاندى. جەراستى ءدۇمپۋى ەلدىڭ 10 پروۆينسياسىندا، سونداي-اق كورشىلەس ەلدەردە، سونىڭ ىشىندە سيريادا سەزىلدى.
سوڭعى مالىمەت بويىنشا، تۇركيادا قازا بولعاندار سانى 9 مىڭنان استى، 52 مىڭنان استام ادام زارداپ شەكتى. سيريا دەنساۋلىق مينيسترلىگىنىڭ اقپاراتىنا سۇيەنسەك، ەلدە كەم دەگەندە 2،5 مىڭ ادام كوز جۇمدى، 4،6 مىڭ ادام جاراقات الدى.