ءبىرىنشى پارتيانى كورت يەسى برەيكپەن اياقتادى
قازاقستاننىڭ ءبىرىنشى، الەمنىڭ 50-راكەتكاسى الەكساندر بۋبليك فرانسيانىڭ مونپەلە قالاسىندا ءوتىپ جاتقان ATP 250 ءتۋرنيرىنىڭ ەكىنشى اينالىمىنا شىعا المادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وسى جارىستىڭ 6-راكەتكاسى بولىپ تىركەلگەن قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 75-ورىندا تۇرعان فرانسيالىق گرەگۋار باررەرمەن وينادى.
ءبىرىنشى پارتيانى كورت يەسى برەيكپەن اياقتادى – 6:4.
ەكىنشى سەتتە اسا تارتىستى تاي-برەيكتە الەكساندر بۋبليك گرەگۋار باررەردىڭ ماچتى اياقتاۋىنا مۇمكىندىك بەرمەدى – 7:6 (14:12).
ءۇشىنشى، شەشۋشى سەتتە ەسەپ 3:2 بولعان مەزەتتە قازاقستاندىق تەننيسشى برەيك جاساي الدى – 4:2. الايدا ىزىنشە قاتەلىككە بوي الدىرىپ، ءوز گەيمىن بەرىپ قويدى. اقىرى تاي-برەيكتە قارسىلاسى جەڭىسكە جەتتى – 7:6 (7:3).