تۇركيا كوروناۆيرۋسقا قارسى ءوز ۆاكسيناسىن جاساپ شىعاردى
تۇركيادا كوروناۆيرۋستىق ينفەكسياعا قارسى وتاندىق Turkovac پرەپاراتىمەن ۆاكسيناسيالاۋ پروسەسى باستالدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
ۆاكسيناسيا ناۋقانى بەيسەنبى كۇنى تۇركيانىڭ ەڭ ءىرى قالالىق اۋرۋحانالارىندا باستالدى. Turkovac پرەپاراتى كايسەري پروۆينسياسىنداعى ەردجييەس ۋنيۆەرسيتەتىمەن جانە ەلدىڭ دەنساۋلىق ساقتاۋ مينيسترلىگىنىڭ مەديسينالىق ينستيتۋتتارىمەن (TUSEB) بىرلەسىپ جاسالدى.
ءبىر كۇن بۇرىن تۇركيانىڭ دەنساۋلىق ساقتاۋ ءمينيسترى فاحرەتتين كوجا كوروناۆيرۋستىڭ تارالۋىنا قارسى عىلىمي كەڭەستىڭ ونلاين-وتىرىسى اياقتالعاننان كەيىن انكارا قالالىق اۋرۋحاناسىندا ءۇشىنشى كۇشەيتۋ دوزاسى رەتىندە Turkovac ۆاكسيناسىن سالدىردى.