الماتىدا قازاقستانداعى تۇركيا تۇلەكتەرى قاۋىمداستىعىنىڭ ۇيىمداستىرۋىمەن «تۇركيا تۇلەكتەرى كەزدەسۋى – الماتى 2024» ءىس-شاراسى ءوتتى. جيىنعا تۇركيادا ءار جىلدارى ءبىلىم العان قازاقستاندىق تۇلەكتەر قاتىستى.
ءىس-شاراعا تۇركيا رەسپۋبليكاسىنىڭ قازاقستانداعى ەلشىسى مۇستافا كاپۋدجۋ، تۇركيانىڭ شەتەلدەگى تۇرىكتەر جانە تۋىستاس قاۋىمداستىقتار باسقارماسىنىڭ (YTB) باسشىسى ابدۋللاح ەرەن، الماتىداعى باس كونسۋلى ەۆرەن مۇدەرريسوعلۋ ارنايى كەلىپ، ءسوز سويلەدى.
سپيكەرلەر قازاقستاننان بارعان ستۋدەنتتەردىڭ بىلىمگە قۇشتارلىعى مەن تاباندىلىعىن ەرەكشە اتاپ ءوتىپ، ولاردىڭ ەكى ەل اراسىنداعى باۋىرلاستىقتى نىعايتۋعا قوسقان ۇلەسىن جوعارى باعالادى. سونداي-اق، بۇل ءىس-شارانىڭ قازاقستان مەن تۇركيا تۇلەكتەرى اراسىنداعى بايلانىستى كۇشەيتىپ، ەكى ەلدىڭ دوستىق قارىم-قاتىناسىن ودان ءارى دامىتۋعا زور ىقپال ەتەتىنىن جەتكىزدى.
كەزدەسۋ تۇلەكتەر ءۇشىن تاجىريبە الماسىپ، ورتاق جوبالاردى تالقىلاۋعا مۇمكىندىك بەرگەن ماڭىزدى الاڭ بولدى.