انكارا تۇرعىندارى تاقتايشاداعى QR بەلگىسى ارقىلى اقىن جايىندا ماعلۇمات الا الادى
قازاقستاننىڭ تۇركياداعى ەلشىلىگىنىڭ باستاماسىمەن جانە حالىقارالىق تۇركسوي ۇيىمىنىڭ قولداۋىمەن جامبىل جابايەۆتىڭ 175 جىلدىعىنا وراي كەچيورەن اۋدانىنداعى جامبىل كوشەسىنە ەستەلىك تاقتايشا ورناتىلدى، دەپ حابارلايدى Almaty-akshamy.kz الماتى تەلەارناسىنىڭ سايتىنا سىلتەمە جاساپ. بۇل تۋرالى حالىقارالىق تۇركسوي ۇيىمىنىڭ وكىلى باقىتجان ومار فەيسبۋكتەگى پاراقشاسىندا جازدى.
«انكارادا جىر الىبى جامبىل جابايەۆتىڭ ەسىمى ۇلىقتالدى. قازاقستاننىڭ تۇركياداعى ەلشىلىگىنىڭ باستاماسىمەن جانە حالىقارالىق تۇركسوي ۇيىمىنىڭ قولداۋىمەن اقىننىڭ 175 جىلدىعىنا وراي كەچيورەن اۋدانىنداعى جامبىل كوشەسىنە ەستەلىك تاقتايشا ورناتىلدى. ەندى انكارالىقتار تاقتايشاداعى QR بەلگىسى ارقىلى اتامىز جايىندا ماعلۇمات الا الادى»، – دەپ جازادى ول.
ءىس-شاراعا ق ر جازۋشىلار وداعىنىڭ ءتوراعاسى، اقىن ۇلىقبەك ەسداۋلەت باستاعان زيالى قاۋىم وكىلدەرى، الماتى وبلىسىنىڭ دەلەگاسياسى جانە الماتى قالاسى اكىمدىگىنىڭ وكىلدەرى قاتىسقان.
بۇگىن، ياعني 6 قازاندا، انكارا قالاسىندا اقىننىڭ 175 جىلدىعىنا ارنالعان حالىقارالىق كونفەرەنسيا وتەدى.