كورشى ەلدىڭ اۋرۋحانالارىندا ءقازىر 210 مىڭنان اسا ادام جۇقپالى دەرتكە قارسى ەم-دوم الىپ جاتىر، دەپ حابارلايدى almaty-akshamy.kz
بيلىك بۇل جاعدايدان قاۋىپتەنىپ، كوروناۆيرۋستىڭ الدىن الاتىن انىقتاۋ جۇيەسىن ەنگىزبەك. كەي ايماقتاردا ىندەتكە قارسى شەكتەۋلەر ەنگىزىلە باستادى. ماسكەۋدە ۆيرۋس جۇقتىرۋ كورسەتكىشى بۇعان دەيىنگىدەي جوعارعى دەڭگەيگە جەتپەسە دە، جاعداي الاڭدارلىق.
سوڭعى ءبىر اپتادا ۆيرۋستىڭ تارالۋى 30 پروسەنتكە ارتىپ، اۋرۋحاناعا تۇسكەن ناۋقاستار سانى 20 پروسەنتكە ءوستى. قالادا دەرتتى الدىن الا انىقتاۋ جۇيەسى، ياعني ادامداردى جاپپاي تەستىلەۋ ەنگىزىلمەك. ءىرى ساۋدا ورىندارىندا پتر-تەست تاپسىرۋ ورتالىقتارى اشىلىپ، مەكتەپتەردە تەستىلەۋ جۇرگىزىلەدى. ال اۋرۋحانالاردا رەسپيراتورلىق اۋرۋ نىشانىمەن كەلگەن تۇرعىنداردىڭ ءبارى 10 مينۋتتىق ەكسپرەسس-تەست تاپسىرادى.
ىندەتتىڭ جاڭا وشاقتارىن تەز انىقتاۋ وتە ماڭىزدى دەيدى ماماندار. سەبەبى ءقازىر رەسەيدىڭ بارلىق ايماعىندا ۆيرۋستىڭ تارالۋى قايتا كۇش الىپ، ءولىم-جىتىم كوبەيگەن. ءبىرقاتار ايماقتا QR جۇيەسى ەنگىزىلىپ، زەينەتكەرلەردىڭ ۆيرۋس جۇقتىرۋى ارتقانىنا بايلانىستى قارتتاردى وقشاۋلاۋ قولعا الىندى. اۋرۋدان جازىلىپ شىققان ازاماتتار دا تاۋەكەلى جوعارى توپقا جاتقىزىلعان.
ءقازىر رەسەيدە كوروناۆيرۋسكە بايلانىستى 976 مىڭ ادام دارىگەرلەردىڭ باقىلاۋىنا الىنعان. دەرتكە قارسى حالىقتىڭ 40 پروسەنتى تولىق ۆاكسينا الىپ، 49 ميلليونى ءبىرىنشى دوزاسىن سالدىرىپ ۇلگەرگەن.