اۋىل شارۋاشىلىعىمينيسترلىگىنىڭ باسشىسى ايداربەك ساپاروۆ تۇركى مەملەكەتتەرى ۇيىمىنا مۇشە مەملەكەتتەردىڭ اۋىل شارۋاشىلىعى مينيسترلەرىنىڭ وتىرىسى اياسىندا شەتەلدىك ارىپتەستەرمەن جانە ءبىرقاتار دەلەگاسيالارمەن ەكىجاقتى كەزدەسۋلەر وتكىزدى.
تمۇ باس حاتشىسىمەن كەزدەسۋدە ايداربەك ساپاروۆ ۇيىمنىڭ قۇرامىنا كىرەتىن ەلدەرمەن ءوزارا ساۋدانى دامىتۋ بويىنشا پروبلەمالىق ماسەلەلەردى جەدەل شەشۋدىڭ ماڭىزدىلىعىنا نازار اۋداردى، دەپ حابارلايدى Almaty-akshamy.kz.
ءمينيستردىڭ پىكىرىنشە، بۇعان اۋىل شارۋاشىلىعى مينيسترلەرىنىڭ ورىنباسارلارى دەڭگەيىندە جۇمىس توبىن قۇرۋ ىقپال ەتەتىن بولادى.
تۇرىك دەلەگاسياسىمەن ايداربەك ساپاروۆ قازاقستاندىق ءوندىرىستىڭ ەت ونىمدەرىن جەتكىزۋ، سونداي-اق ۆەتەريناريا جانە فيتوسانيتاريا سالاسىنداعى تمۇ ەلدەرىنىڭ ستاندارتتارىن سايكەستەندىرۋ تۋرالى اڭگىمەلەستى. قازاقستاندىق تاراپ تۇرىك نارىعىنا قول جەتكىزۋ بويىنشا شەشىمدەرگە ءوز نۇسقالارىن ازىرلەيدى. بۇدان ءارى ايداربەك ساپاروۆ تۇركيالىق ارىپتەستەرىمەن ZOOM ارقىلى كەڭەس وتكىزەدى. سودان سوڭ قازاقستاندىق دەلەگاسيا انكاراعا ساپارمەن بارادى.
وزبەكستان مينيسترىمەن اۋىل شارۋاشىلىعى مينيسترلىگىنىڭ باسشىسى قاسىم-جومارت توقايەۆتىڭ 2022 جىلى تاشكەنتكە جاساعان ساپارى بارىسىندا قول قويىلعان جول كارتاسى تارماقتارىنىڭورىندالۋىن تالقىلادى. سونداي-اق، تاراپتار قازاقستاننىڭ سولتۇستىك وڭىرلەرىندە اۋىل شارۋاشىلىعى داقىلدارىن بىرلەسىپ ءوسىرۋ جونىندەگى جۇمىستى جالعاستىرۋعا كەلىستى. مينيستر رەسپۋبليكا اۋماعىندا استىقتى تەرەڭ وڭدەۋ بويىنشا بىرلەسكەن جوبالاردى ۇيىمداستىرۋدى نيەتتى ەكەنىنجەتكىزدى. وزبەك تاراپى شەكارالاس وبلىستاردا اۋىل شارۋاشىلىعى ونىمدەرىنىڭ ەركىن ساۋداسى بويىنشا "جاسىل ساۋدا ايماعىن" قۇرۋتۋرالى ۇسىنىس جاسادى.
قىرعىزستاننان كەلگەن دەلەگاسيامەن كەزدەسۋدە اۋىل شارۋاشىلىعى ونىمدەرىنىڭ ءوزارا ساۋداسىن ارتتىرۋ ماسەلەلەرى تالقىلاندى. ايداربەك ساپاروۆ "ازىق-تۇلىك كورپوراسياسى" مۇمكىندىكتەرىن پايدالانا وتىرىپ، قازاقستاندىق استىق پەن ۇندى جەتكىزۋدى جۇزەگە اسىرۋ تۋرالى ۇسىنىس جاسادى. قازاقستاندىق تاراپ سونىمەن قاتار ازىق-تۇلىك تاۋارلارىنىڭ ءبىرقاتار تۇرلەرىن يمپورتتاۋعا قىزىعۋشىلىق ءبىلدىردى.
ءازىربايجاننىڭ اۋىل شارۋاشىلىعى مينيسترىمەن كەلىسسوزدەر بارىسىندا ايداربەك ساپاروۆ ارىپتەسىنە قازاقستاندىق استىق پەن ۇندى جەتكىزۋدىڭ وڭتايلى باعىتتارىن ويلاستىرۋدى ۇسىندى. ءازىربايجان تاراپى سۋارۋ جۇيەلەرى مەن اۋىل شارۋاشىلىعى ونىمدەرىن ساقتاۋ بويىنشا بىرلەسكەن جوبالاردى ىسكە اسىرۋعا نيەتتىەكەنىن ءبىلدىردى. ءازىربايجان اشم باسشىسى جاقىن ارادا قازاقستاندىق زاڭنامانى زەردەلەۋ جانە وڭىرلەردەگى جۇمىستاردى تانىسۋ ءۇشىن مامانداردىڭ جۇمىس توبىن جىبەرمەك. ەگجەي-تەگجەيلى زەردەلەۋ ءۇشىن ەكى ەل دە مەملەكەتتىك قولداۋ شارالارى جۇزەگە اساتىن بولادى .