سەمينار-ترەنينگتە مارات سۇلتانعازييەۆ ءتۋريزمدى دامىتۋدا باق-نىڭ ماڭىزى زور ەكەنىن ايتتى، دەپ حابارلايدى Almaty.aqshamy.kz
تۋريزم يندۋسترياسىندا ب ا ق، جاڭا مەديالار – الەۋمەتتىك جەلىلەرمەن تىعىز بايلانىستى.
“جەلىگە تۋريستىك نىسان تۋرالى كوپ اقپارات تاراسا، سونشا كوپ ادام كورىپ، تۋريستىك ورىندارعا كەلەدى دەگەن ءسوز. سوندىقتان دا ءتۋريزمدى دامىتۋعا سەپ بولاتىن مەديا قۇرالداردى دامىتۋ ماڭىزدى”، - دەدى مارات سۇلتانعازييەۆ.
سونىمەن قاتار ول تۋريزمدەگى ينفراقۇرىلىم، قىزمەت ساپاسىن كوتەرۋ سىندى ماسەلەلەرگە دە توقتالىپ ءوتتى. بۇل ماسەلەلەردى شەشۋ باعىتىندا ۇكىمەتتىڭ قولداۋى دا جوق ەمەس.
“الماتى وبلىسىندا كاسىپكەرلەر تۋريستىك نىسانداردى سالسا، شىعىندارىنىڭ 10%-ىن، جول بويىنداعى سەرۆيستىك نىسانداردى سالسا 10%-ىن، تۋريستىك اۆتوبۋستار السا 25%-ىن قايتارۋ مەحانيزمى قاراستىرىلعان. اتالعان جانە باسقا دا كوپتەگەن ماسەلەلەردى شەشۋ قازىرگى كۇنى ازىرلەنىپ جاتقان وڭىرىمىزدە ءتۋريزمدى دامىتۋدىڭ ماستەر-جوسپارىنىڭ اياسىندا قاراستىرىلماق. بۇگىنگى شارا جەمىستى بولسىن”، - دەدى وبلىس اكىمى.
شارانىڭ ۇيىمداستىرۋشىسى، تۇركىتىلدەس جۋرناليستەر قورىنىڭ پرەزيدەنتى ءنازيا جويامەرگەن قىزى بولسا، الەمدىك ءتۋريزمنىڭ پاندەميادان كەيىن دامىعانىن تىلگە تيەك ەتىپ، بىلتىرعى كىرىس 1 ترلن اقش دوللارعا جەتكەنىن اتاپ ءوتتى.
«الماتى وبلىسى – قازاقتىڭ ەجەلگى ادەت-عۇرپى، تاريحى، ءسالت-داستۇرىنىڭ ەڭ باستى دامۋ مەكەنى. سول سەبەپتى فورۋم بيىل وسى جەردە ۇيىمداستىرىلىپ وتىر. تامىزدا انتاليادان جۋرناليستەر كەلىپ، ءوڭىر باسشىسىنىڭ قولداۋىمەن بۇل جەردە تاعى دا اۋقىمدى شارا وتەدى. وندا ءتۋريزمدى دامىتۋ، ينۆەستيسيا تارتۋ سەكىلدى ماسەلەلەر قاراستىرىلاتىن بولادى. شەتەلگە شىعۋ جاقسى،ءبىراق، قازاقستاننىڭ دا كورىكتى جەرلەرى كوپ، سولاردى الەۋمەتتىك جەلىدە ناسيحاتتاپ، ىشكى ءتۋريزمدى دامىتۋعا شاقىرامىن»، - دەدى قور پرەزيدەنتى.
بۇدان كەيىن جۋرناليستەر وزدەرىن قىزىقتىراتىن سۇراقتارىن قويىپ، مينيسترمەن، وبلىس اكىمىمەن پىكىر الماستى.
سەمينار-ترەنينگتىڭ ءبىرىنشى وتىرىسى قازاقستانداعى تۋريزم: دامۋ كەلەشەگى مەن مۇمكىندىگى تاقىرىبىندا ءوتىپ جاتىر
.